إضافة رد
 
أدوات الموضوع انواع عرض الموضوع
قديم 06-05-2010, 12:04 AM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 55 - قصيدة مهداه إلى الشيخ امير مركز ابانات سابقاً المحترم غائب بن العتيبي

الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة



قصيدة رقم (55) من عدد (21) بيت شعر التاريخ:4/6/1414هـ

هذه القصيدة موجهه ومهداه إلى الشيخ امير مركز ابانات سابقاً المحترم غائب بن مريزيق الغبيوي العتيبي مع التحية له والشكر والتقدير قالها الشاعر موسى بن سرور بزاع المظيبري



يامير يا ريفاً لمن جاه مهموم=من خدمة الكهرب بطياً عملها
ياريف لصغاراً شكت حر مسموم=ريف الطفال اللي بسنة جهلها
من شانهم نوب اتركت عيني النوم=باحساس وأشياء يالأمير امن أجلها
صبري قضا عامٍ بعد عام واليوم=بالذات نفسي حملت من زعلها
يابن الفهود اللي عن العيب معصوم=يامن عرف فيه المروه وأهلها
أبيك تفزعلي على الوضع واتقوم=لمعامله يمناك تازن ميلها
يامير يا اللي من زحازيح وقروم=غايب جهوده تعتمد لابذلها
أليا سعى يجري ولد ذيب شغموم=للنخوه اللي يعتني من قبلها
أمير صاحب معرفه ثم ملهوم=أديب نوع المعرفه ما جهلها
مواقفه صوب المواجيب يانعوم=بطلاً مفاعيل الشجاعه فعلها
من ناس لاعد الضفر تنطح القوم=خيالها يرد المخاطر وصلها
غايب ترى صيته مع الناس محشوم=يصلح طلايب والمشاكل فصلها
حل المشاكل وأصبح الشمل ملموم=حين الاماره من حكومه نزلها
شد الختوم أللي بها السيف مرسوم=وأمانة الممدوح غايب حملها
صان الأوامر بامر آل سعود مفهوم=يمشي على توجيه حراً عدلها
أبن الشيوخ أللي عسى عمره إيدوم=وظيفته من عند حاكم شغلها
أعطوه منصب طيب الساس واسلوم=وأبان عزه حيث حل أبسهلها
من يشتكي له ما غدا حق مظلوم=ميزان مكيال الحقوق إيعدلها
أله التحيه عندما تبرق اغيوم=سلامي مني عد ماطر هللها
لمير أقدمها من اليد تسلوم=يم الذي نار الكرامه شعلها
شباب ناراً للسخى تشتعل دوم=ترثت سخا وافي الخصائل كفلها






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 05:53 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد