إضافة رد
 
أدوات الموضوع انواع عرض الموضوع
قديم 11-26-2009, 05:04 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 48- قصيدة مهداه بالشيخ عبدالعزيز التميمي وكانت مهداة ايضا بالشيخ صالح الميمان


الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة

أقدر الطيب وأحب الأصاحيب=والناس خلقت من شعوب أو قبايل
ماخذ من الهابي خبر علم ماجيب=كل الردي جعله بقطع العقايل
غير الشيوخ اللي تحل المناشيب=أهل المدايح والفعول الجزايل
فرسان لا غارة على الخيل متهيب=نطاحت الكائد أليا أو ذاك عايل
أهل الشهامه والسيوف المحاديب=ذيك أصدقانا ورفقاي العمايل
معهم علاقاتي بسجل الدواليب=اللي يشيلون الحمول الثقايل
عيني مراتي قد خذيت التجاريب=شيخ القضاء ماهو عن العدل عايل
يفهم مثل شرواك شعر الهناديب=ويرد في حكمه خطاء كل مايل
وأنا الذي دكتور مثل الأطابيب=عرفت شجعان العرب والأصايل
أعزاز من جاها يبا العون ميخيب=تعطي منيحتها أخيار الجلايل
تشدي طبع حاتم من الله مواهيب=رب البشر مشفي النفوس العلايل
عطف الكرم فيهم على نوح وشعيب=الله يوفقهم جنان النزايل
أمقدمة للضيف بن أو تراحيب=من ذاق قهوتهم خوا الراس زايل
فنجالها لاصب كيف الشراريب=عادة تقاليد الجدود الأوايل
ناساً لهم في وقت جوع المصاعيب=مدة صخا يوم المعوشه قلايل
بالليل تشعل ضوها بالمثاقيب=أهل الزنود أمولعين الفتايل
الله يجنبهم عن النار تجنيب=وأعم نفسي مع جموع الحمايل
والطيب عنوان الرجال المحابيب=ما يقدره ياكود يابس بلايل
هذا أقتراحي وأرمي الضن وأصيب=الأش ما يقواه بياء وسايل




قصيدة الشاعر موسى بن سرور بن بزاع المظيبري قالها ومهداه بالشيخ عبدالعزيز بن صالح الحسن من النواصر التميمي وكانت القصيده مهداه أيضا بالشيخ صالــح بن سليمان الميمان أبو أنس حيث قال الشاعر :ـ
يا طير سافر في خفيف المكاتيب=وصل لبوصالح جواب الرسايل
عقب الحسن حامي جميع المواجيب=ود النداوي نشكره بالجمايل
قله عسا ربي مجيب المطاليب=يجزاه بالمعروف خير الفضايل
سلم على وجه السعد كاسب الطيب=أعداد ممطر من سحائب مخايل
مني واركبها على الفكر تركيب=قصيدةٍ في منبع العز قايل
وارجي عسى تعجب بكل الأساليب=رسم القلم فيها من الحبر سايل
وان كان ما جازت علينا المعاتيب=قلي وأنا برضاك يالشبل شايل
يابن النواصر من عزيز المناتيب=قصيرها ما جاه هم أو غلايل
جوارها مرتاح قلبه وراء الجيب=ريفٍ حلو درة بكار الحلايل
حلو طعم شخب النياق المحاليب=اللي رعت مرباع عشب المسايل
عبدالعزيز أبجاه عالم خفاء الغيب=يحفظ رفيع الشور ماض الفعايل
شيخٍ مشبب يالوجيه المعاجيب=يذبح أليا جوه الخطاطير حايل
أقدر الطيب وأحب الأصاحيب=والناس خلقت من شعوب أو قبايل
ماخذ من الهابي خبر علم ماجيب=كل الردي جعله بقطع العقايل
غير الشيوخ اللي تحل المناشيب=أهل المدايح والفعول الجزايل
فرسان لا غارة على الخيل متهيب=نطاحت الكائد أليا أو ذاك عايل
أهل الشهامه والسيوف المحاديب=ذيك أصدقانا ورفقاي العمايل
معهم علاقاتي بسجل الدواليب=اللي يشيلون الحمول الثقايل
عيني مراتي قد خذيت التجاريب=شيخ القضاء ماهو عن العدل عايل
يفهم مثل شرواك شعر الهناديب=ويرد في حكمه خطاء كل مايل
وأنا الذي دكتور مثل الأطابيب=عرفت شجعان العرب والأصايل
أعزاز من جاها يبا العون ميخيب=تعطي منيحتها أخيار الجلايل
تشدي طبع حاتم من الله مواهيب=رب البشر مشفي النفوس العلايل
عطف الكرم فيهم على نوح وشعيب=الله يوفقهم جنان النزايل
أمقدمة للضيف بن أو تراحيب=من ذاق قهوتهم خوا الراس زايل
فنجالها لاصب كيف الشراريب=عادة تقاليد الجدود الأوايل
ناساً لهم في وقت جوع المصاعيب=مدة صخا يوم المعوشه قلايل
أجدودنا أهل أركاب حرش العرازيب=اللي مواردها عدود الثمايل
بالليل تشعل ضوها بالمثاقيب=أهل الزنود أمولعين الفتايل
الله يجنبهم عن النار تجنيب=وأعم نفسي مع جموع الحمايل
والطيب عنوان الرجال المحابيب=ما يقدره ياكود يابس بلايل
هذا أقتراحي وأرمي الضن وأصيب=الأش ما يقواه بياء وسايل
الأ مكرم محترم ما وطى العيب=صالح قصيره ما شكا من خمايل
أبيض كتابه بالشيم نعم وأديب=بالجار دايم مدركين النفايل
أبو أنس يسلم عريب المجاذيب=عندي على قولي شهود أو دلايل
يمناه تفعل صوب الأحسان وأتثيب=بالجود سباقه كما غيث سايل
صالح مضفر للوطن راح تغريب=بأقصاء دول ترثة نشامى صمايل
غادر برحله مع فضاء اتروح وتجيب=تقطع طويل البعد ماله سمايل
زمان تعليمه بدار الأجانيب=كم بعد دونه قبل ياتي هوايل
دون الجزيره تطلع الشمس وتغيب=دون الأهالي واسرته والعوايل
بالعلم مشواره طريقه متاعيب=غبة بحر من فاز جاب الحصايل
قرماً على الطوله حفظ درس تدريب=في خدمة الدوله يشد الرحايل
سر الحكومه ما عطاء منه تسريب=دونه يجي تسعين خطة محايل
رجل الوفاء قاضب وصاة المعازيب=يفداه كل أهل اليدين البخايل
باعماله اللي مابها خلط أكاذيب=يستاهل التقدير واف الخصايل
صاحب معرفه شامخ الراي من ذيب=ولد شمخ صيته من المجد نايل
يقصر عنه راع العلوم المهاذيب=من ساس بيت أهل الفخر من سلايل
كان الردي يرثع بشذب العراقيب=بأخلاقه الحسنه بدعت المثايل
مال الرداء جره عليه أو مطاليب=يالله عسى عمر الفتى دوم طايل
شوق الهنوف أمن البنات الرعابيب=شريفتاً ماحط عنها بدايل
بنت الشرف مافي نسبها عذاريب=نيران أهلها من كرمها شعايل
صلو على اللي رتب الدين ترتيب=شفيع عند الحشر زبن الدخايل






رد مع اقتباس
قديم 12-21-2009, 11:04 PM   رقم المشاركة : 2
عضو جديد
مميز





شباب الذيب غير متواجد حالياً


افتراضي

اللهم صلي على محمد وضح السانك وستاهل







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 06:53 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد