العودة   منتدى الشاعر موسى بن سرور > ๑۞๑ المـنـتـديـات الـخـاصـة بـالشاعر ๑۞๑ > ¨™ قصائد الشاعر موسى بن سرور ™¨

إضافة رد
 
أدوات الموضوع انواع عرض الموضوع
قديم 11-26-2009, 04:56 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 47- قصيدة للشاعر موسى بن سرور بزاع المظيبري من نوعية الغزل قالها وهو خارج المملكة


الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة

تجر قلبي جر سيل العواير=بشجار سحر اومصلحه شوفها أصعيب
تطرح وتجرح جرح قذف الذخاير=بالطرف تكويني أبجمر او مشاهيب
واقول ماب السد منها ستاير=دشت ضميري فتشت بالدواليب
لقت لها داخل زروع أوبذاير=ما شافهن غير الولي قاري الغيب
واليوم يا طيراً مع الجو طاير=سهم الهواء يرمي من العذب ويصيب
قله خطاء حره على رجل غاير=خلتني أجري بالهنديب واجيب
وسبوع فكري من هواء البال حاير=ياطير خذ مني خفيف المكاتيب
سافر وابا علم الشرف والبشاير=قدام يوحالي كثير التناحيب
رح للغظي وده سلام اونشاير=غادر بلد دولة هل الشرق تغريب
واظرب طريقاً خط عجل التواير=واضبط نعت خطاً خلا طرق تهريب
وانص الذي بيني وبينه جزاير=دوني ودونه تطلع الشمس وتغيب
وانحر وطن راع القرون الفكاير=شخصاً سترهن عن جميع العذاريب
وأبو خدوداً مثل برق النداير=واقنب على الجمله كما يقنب الذيب
سبعاً حدوه امشيدين الغراير=مالله كتبله بعديانه مكاسيب
ما ذاق عيشه من طعام البراير=جاه الفجر وافلس يجر التقانيب
واسهر منه والحب سقم الجباير=اللي عظامه مخطراً كسره إيعيب
غرواً غرامه بوسط الجسم ثاير=هدد حياتي قرب الموت تقريب
هليت دمعي من سببها عباير=لجل الغزال أدموع عيني تصابيب
طايح وصايح واكمل الحول داير=ما شفت زوله لو رقيت المراقيب
عمهوجتاً مسكان بيته عماير=ما شافها جاراً قريب الأطانيب




عدد 51 بيت شعر في عام 1403هـ
قصيدة للشاعر موسى بن سرور بزاع المظبيبري من نوعية الغزل قالها وهو خارج المملكة وسندها على الشيخ صلحان بن فلاح بن بدوي حيث الشاعر قال :
يا طير ليتك تفتهم بالسراير=تحمل رساله لريش العين وتجيب
تاخذ خبر منسمه الود جاير=واثر عليه آمن الجميله لواهيب
حب الهنوف إللي تضيم الضماير=أم الكفوف إللي زهتها التخاظيب
عين أشقراً في رجم عالي صخاير=في ماكره في رأس عسر المذاريب
بنتاً سبتني مع شيوخ العشاير=أهل الظفر واهل الكرم والتراحيب
اللي لهم تقدير والهم دواير=والهم على طرق الرجاله مظاريب
شجعان ما فيهم من العيب باير=اعرف قدايمهم مع الطيب أصحيب
كنو هواها ومرحو في سعاير=سبت كميلت عقل سيد الرعابيب
وستلحقني ما عطتني عذاير=وامسيت في بحراً غميق أو مناشيب
واتجر قلبي جر سيل العواير=بشجار سحر اومصلحه شوفها أصعيب
تطرح وتجرح جرح قذف الذخاير=بالطرف تكويني أبجمر او مشاهيب
واقول ماب السد منها ستاير=دشت ضميري فتشت بالدواليب
ولقت لها داخل زروع أوبذاير=ما شافهن غير الولي قاري الغيب
واليوم يا طيراً مع الجو طاير=سهم الهواء يرمي من العذب ويصيب
قله خطاء حره على رجل غاير=خلتني أجري بالهنديب واجيب
واعلن لها شعر البيوت العساير=واشكي على شرواء كبار المناصيب
أبو مصيلح من شيوخاً حراير=ولد الرجال اللي بها نفعاً إيثيب
رايه اليا عمست علي البصاير=يرد المعزه قد مضاله تجاريب
عليه أقدم ما جراء منه صاير=شب الحرابه صعب الحرب تصعيب
ليدين من دربه على المجد ساير=دايم على عسر الدهر جوده إطيب
ريف الضيوف اولا يعد الخساير=غالي مجاله عند ربعه وصاحيب
ياما ومر ينصح عن الشين شاير=ينهى عن المنكر عنه قال تجنيب
وامير ما به نقص والا حقاير=يتعب ويتلف من يبا فعله إيهيب
صلحان كل الطيب فاله شعاير=شامخ وله شهره عريب المناتيب
لشاف غلطات العرب والجهاير=حل الزعل والغيط بين الأقاريب
صقر السعد ما يدرق بالحظاير=هرجاً كلامه صح ماهو تلاعيب
صاحب معرفه في ثبات القراير=نعماً براسه ثم نعم المجاذيب
يعرف جزيل العطف حي الذكاير=والمحترم وأقول حامي مواجيب
وسبوع فكري من هواء البال حاير=ياطير خذ مني خفيف المكاتيب
سافر وابا علم الشرف والبشاير=قدام يوحالي كثير التناحيب
رح للغظي وده سلام اونشاير=غادر بلد دولة هل الشرق تغريب
واظرب طريقاً خط عجل التواير=واضبط نعت خطاً خلا طرق تهريب
وانص الذي بيني وبينه جزاير=دوني ودونه تطلع الشمس وتغيب
وانحر وطن راع القرون الفكاير=شخصاً سترهن عن جميع العذاريب
وأبو خدوداً مثل برق النداير=واقنب على الجمله كما يقنب الذيب
سبعاً حدوه امشيدين الغراير=مالله كتبله بعديانه مكاسيب
ما ذاق عيشه من طعام البراير=جاه الفجر وافلس يجر التقانيب
واسهر منه والحب سقم الجباير=اللي عظامه مخطراً كسره إيعيب
ليته يجي تحزم بيدها الكساير=والطف من الدكتور وهي الأطابيب
واكظم وانا من ذكرها في عزاير=وثر المشقاء من شقا خله إيشيب
غرواً غرامه بوسط الجسم ثاير=هدد حياتي قرب الموت تقريب
هليت دمعي من سببها عباير=لجل الغزال أدموع عيني تصابيب
اليا طواني بالجفا والنكاير=يرسل على النفس الشقيه عواقيب
يلحق خطر روحي تزور الحفاير=والعشق ما يوجد دوله وطابيب
لصار ما يقبل بالأيام زاير=ينظر مريظن من سبايبه ويطيب
طايح وصايح واكمل الحول داير=ما شفت زوله لو رقيت المراقيب
مامر ما داجت بسوق العطاير=صانت حيا وجهاً قباله تعاجيب
عمهوجتاً مسكان بيته عماير=ما شافها جاراً قريب الأطانيب
شبه الظبي في قفر ظلع أو زباير=في دار خدام الحرم والمعازيب
اللي حموها والحذر والحذاير=دونه حمايه درب الأمن تدريب
جدواي دمعي من عيوني نثاير=والباب غلق دونها كيف أباطيب






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 07:55 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد