إضافة رد
 
أدوات الموضوع انواع عرض الموضوع
قديم 11-25-2009, 10:58 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 39- قصيدة الشاعر موسى بن سرور بن بزاع المظبيري من نوعية الغزل


الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة

قصيدة الشاعر موسى بن سرور بن بزاع المظيبري من نوعية الغزل في عام 1412هـ


ياخل نبذه من شعر فيك مخلوف=والحب حتى بالملوك العريبه
مريتني واشقيتني شايفك شوف=يا غزيلٍ مشتال متنه حقيبه
متفوقه بالجامعه درس بحروف=متخرجه من علم عالي طبيبه
قلبي رمت به لفه الود مخطوف=خطف الغرام اللي سهومه عطيبه
واضحك وانا كني على جمر مكنوف=من حر ما بي قلت ربي حسيبه
من سبت اللي ظامر البطن ملهوف=بنتٍ بها الأمثال تضرب عجيبه
أن قمت اوصفها مليحه بها نوف=جوهر ملامح الوصائف غريبه
ساتر جماله حافظه ماهو مكشوف=صده شعم وسط الظماير لهيبه
وقفت أوضقت أودك بالصدر عاصوف=بغيت أصيح صياح ماهي قريبه
لطف الحشا في شوفها صرت مشفوف=لولا الحيا قلبي شلح شق جيبه
وأقول هذي قصة الولف معروف=قصه كما مجنون ليلى رهيبه
جاري عليه بزمن مثلها سوف=من مازح الخفرات يوصى نحيبه
فكري بحول اسبابها غاب مصدوف=يتبع مخايل ناقضات الذويبه
راعي جدايل ما نظر فيه ملفوف=مصيون عرضه من قبيله واديبه
ما ذيق جغمه من شفاياه مرشوف=عذباً عفيفه ما تجيها المعيبه
في دار من صيته بنا الخير لضيوف=تسكن وطن بارض البلاد الحبيبه
شجره نظيفه عودها ورد غضروف=عليه مثل الذئب نقنب قنيبه
ذيبٍ عوى من سطوت الجوع والخوف=مالله كتب له عيشةٍ من رقيبه
من عشرته شوق العما هيج بالجوف=جرحي قديم أولا وجدنا طبيبه
صبرت لاكن حافني بالخطر حوف=واليوم بالي كل همٍ يصيبه
مدري علام اللي زها الصوغ بكفوف=فينا قسا والقلب معها غديبه
مع الذي في عينها شلف وسيوف=تشدي عميد الركن قايد كتيبه
لو بايعتني بالثمن سمت بالوف=اسوق مالي من حلالي واجيبه
اللي رمتني نظرته طحت محذوف=رمي السلاح اللي يصيب الظريبه
الصاحب اللي لجله الشعر مصروف=قلت البيوت اللي لحنها صعيبه
هذا الخبر وانا مع الزين مكلوف=لو كان والله ما يطيب أبحبيبه
ما جا سلام اولارسلت يمي ازروف=واطلب من المعبود ربي يجيبه
اللي ترى غيره من البيض معيوف=عساه من حظي وانا من نصيبه
الجادل اللي تنهب العقل بردوف=هجره طرح روح المولع صويبه
ليته يجي يشرف على الحال ويشوف=الحال من طول انتظاره تعيبه
من شان يرحم بالمودين ويروف=دمعي على خدي تزايد صبيبه
بين الرجا قلبي من الياس مردوف=جا بالحشا هو جاس عقب المغيبه
يابو خدودٍ كنها بأرق اصيوف=نوٍ حفر سيله مجاري شعيبه
توضي بروقه با ظلم الليل بقنوف=في ليل ظلما بالدجا ينسريبه
اليا طرت ولعت بالشعر مهروف=ياشين بعد احباب عيني غصيبه
مارضى شتاته ودها لافني لوف=واعزتيلي من حسين الذهيبه
امسيت من عقب اريش العين مشعوف=واجحد واثر فرقا الولايف مصيبه
من دونها حاديني الوقت وظروف=والعيب قلبي يالنشاما يهيبه
لو كان جسمي من عنا الخل منحوف=والراس من ما جاه قرب مشيبه
اسلي الخاطر عن اهروج ملقوف=سدي مع الملقوف ما يندريبه
مقفي عنه ما يلحق القلب حاسوف=كلٍ برايه ياعرب يقتديبه
راع الهوا لو يكتم السر مكشوف=يدرا عنه لواق راس الجذيبه
ياما بدت رجلي على رجم شفشوف=والعشق ما كلٍ شرب من حليبه
والحب بحره فيه صاحي ومخفوف=ليته صفى لأهل السلوم الأديبه
ما طب سوقه ياهل المجد مزغوف=يا غير من يبني قوانين طيبه
وانا مع الطيب مدرب ومعسوف=وشاور اللي للصعب ينبديبه
ولنا علاقه مع شريفين وحلوف=والا الردي جافيه ماني صحيبه
صلاة ربي عد من حج ويطوف=وعداد نجمٍ ينحرف مع مغيبه
على نبيٍ وضح الدين بحروف=محمد اللي يم ربه اسريبه






رد مع اقتباس
قديم 03-14-2010, 04:05 PM   رقم المشاركة : 2
عضو جديد
مميز





محمد الرشيدي غير متواجد حالياً


افتراضي

شكرااااااااااااااااا ع القصيده الجميله







رد مع اقتباس
قديم 03-19-2010, 09:51 PM   رقم المشاركة : 3
عضو جديد
مميز





فالح المظيبري غير متواجد حالياً


افتراضي

قصيدة را ئعه وشكراً







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 04:49 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد