إضافة رد
 
أدوات الموضوع انواع عرض الموضوع
قديم 11-25-2009, 10:09 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 36- قصيدة قالها الشاعر بالشيخ أمير مركز بلدة المرموثة / صلحان بن فلاح بن بدوي


الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة

يستاهل المنصب يصون القوانين=سر الحكومه ما كشف من سدوده
أمير لأسرار القياده حفيظين=هذا الأمين أللي حفيظ العهوده
وأمارته من خادمين الحرمين=من عند نايف وقعت من بنوده
من صوب قياد العلم رمز سيفين=يومي على موطن جزيرة سعوده
أمير عالي صيت بربوع أبانين=ابن فلاح إللي عريبه جدوده
ممدوح يعرف من سلايل عزيزين=فعايله مع كل مجد امحموده
أبو مصيلح من شغاميم جسرين=سقم العنيد أليا تعدى حدوده
أبن الرجال أللي ثنت بين ضلعين=من عند حول أمحيوه من نفوده
شجعان صدو رئيس القوم غازين=ذاك العقيد أللي تخوف احشوده
قد شاف بالساحه فعايل شهيرين=أجدادنا أللي جود وله قيوده
دون الركايب وقفو مستعدين=كم فارساً طاح أبصوايب كبوده
وأقفا ورى عن كسب الأموال مقفين=راحت وجيه القوم غصب أمحدوده
يوم الخناق أبذكره الناس موحين=والقاع لو ينطق تكلم شهوده
هذا الكلام اللي علومه براهين=وأبان حاميناً موارد عدوده
بالملح ورماية بواسل ذا ريفين=فتايلاً تشدي صواقع رعوده
أفعالنا فيها المناعير دارين=درب الشرف نشمخ مع أدروب جوده
من عصر وصل أو فصلنا من قدمين=عقيل ما فينا إلجنوس إلهبوده



من عدد (45) بيت شعر في عام 1405هـ
قصـــيدة الشاعــــر / موســــى بن سرور بزاع المظيبري قالها بالشيخ أمير مركز بلدة المرموثة / صلحان بن فلاح بن بدوي .



سلام ياميراً لنا عنه شهرين=شهرين هلن بالحساب امعدوده
واليوم تقل احسابهن قدر حولين=والخط لو جاله لفاني ردوده
رحبت بكتابه على الرأس والعين=إن جت مراسيلن تجي من وفوده
أفز واقف من مكاني فريحين=علاقتي بالطيبين امعقوده
مع كل طيب ما نسيناه سالين=يطري لنا والشعر يمه نعوده
وأنا عنه ما ودي أغيب يومين=والشيخ من حقه عليه نروده
بكره نزوره في ضحى صبح الأثنين=بالديره أللي عزها من وجوده
ديرة فلاح اللي بعث موقعاً زين=جعل الولي يرسل عليها رعوده
عودك زرعها واستوت بالبساتين=صفايط النفس الكريم الودوده
مرحوم ياللي ملك أبناه واعين=غرس بلد لعيال وأسرة فهوده
أول مبانيها نشت قصرها طين=واليوم منك امعطره في وروده
يا ريف جار أو ريف الأدنين وأقصين=باني فخر قصراً رفيعاً عموده
بيت الشيم رجله من احساب غالين=فيه الكرم والهيل وأطياب عوده
عقب فلاح ألنا ولد يقضي الدين=عساه في جنة مساكن بروده
يسلم لنا طير السعد من سلاطين=صلحان دمه من مجاذيب عوده
بالطيب وأيضا الفكر والمد واللين=يمناه تعطي من عوايد جهوده
يا ما بذل عونه يعين الضعيفين=يا الله عسى من خير ربي تزوده
ما هو بخيل ابجمع الأموال حرصين=أوبعض العرب ما شيف نفعه أو فوده
شباب لاجوه المشاكيل نصاين=ضواً شعمها من فتايل زنوده
سريع في توليعة النار عجلين=ناره حطب سمر الهشايم وقوده
للضيف ما جوبه من الحيل كبشين=وإن مكفت الماجوب يذبح قعوده
كثير عطفه للصخا شبل وافين=ياما دفع من جيب خزنة نقوده
أوبعض الملأ عن منهج الجود لاهين=جاه الضحى وإبطا وهو في رقوده
ممدوح يعرف من سلايل عزيزين=فعايله مع كل مجد امحموده
أبو مصيلح من شغاميم جسرين=سقم العنيد أليا تعدى حدوده
لا كبرت القاله ولد سبع صاحين=الرأي من منبع ضميره يقوده
على العداء ومواجه الضد ظفرين=زحزيح باسه بالعداء ما تكوده
أمير عالي صيت بربوع أبانين=ابن فلاح إللي عريبه جدوده
وأمارته من خادمين الحرمين=من عند نايف وقعت من بنوده
من صوب قياد العلم رمز سيفين=يومي على موطن جزيرة سعوده
يستاهل المنصب يصون القوانين=سر الحكومه ما كشف من سدوده
أمير لأسرار القياده حفيظين=هذا الأمين أللي حفيظ العهوده
حنا برايه لا دعانا مطيعين=مثل الفريق أللي تطيعه جنوده
بأمره تراني لا زهمني ملبين=عند اللوازم نعتبر من عضوده
أبن الرجال أللي ثنت بين ضلعين=من عند حول أمحيوه من نفوده
شجعان صدو رئيس القوم غازين=ذاك العقيد أللي تخوف احشوده
قد شاف بالساحه فعايل شهيرين=أجدادنا أللي جود وله قيوده
دون الركايب وقفو مستعدين=كم فارساً طاح أبصوايب كبوده
وأقفا ورى عن كسب الأموال مقفين=راحت وجيه القوم غصب أمحدوده
يوم الخناق أبذكره الناس موحين=والقاع لو ينطق تكلم شهوده
هذا الكلام اللي علومه براهين=وأبان حاميناً موارد عدوده
بالملح ورماية بواسل ذا ريفين=فتايلاً تشدي صواقع رعوده
أفعالنا فيها المناعير دارين=درب الشرف نشمخ مع أدروب جوده
من عصر وصل أو فصلنا من قدمين=عقيل ما فينا إلجنوس إلهبوده
صلاة ربي عد ما دارت السنين=أوعد النبات أبسيح نجد أونفوده
على النبي المصطفى وضح الدين=في مجسده روحه موات أمخلوده






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 04:16 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد