إضافة رد
 
أدوات الموضوع انواع عرض الموضوع
قديم 11-25-2009, 06:27 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 29- قصيدة مهـــداه إلـــى الشيخ / بداي بن عبيدالبشري سلمه الله


الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة


التاريخ : 11/7/1427هـ
قصــيدة الشاعــر موســى بن ســرور بن بدوي المظــيبري قالــها ومهـــداه إلـــى الشيخ / بداي بن عبيدالبشري سلمه الله لحيث موسى قال من عدد (43) بيت شعر :



بداي جينا مكتبه مالقيناه=وظني أصدف حضرته ذالصباحي
واليوم ابجهم للفتى وتنصاه=وشوف عنده وش حصيلة مراحي
شيخاً عسى ربي عن الشر يا قاه=لحيث وجهه من طيور الفلاحي
طير السعد مثل النداوي حلياه=حراً يسرك في خفوق الجناحي
أراجعه في مدرستنا نشدناه=مدير شامخ من رجال النصاحي
طيب ولد طيب بشاني نخيناه=لقيت عون اللي برايه رباحي
لاحدني حادي تنصيت شرواه=ثم استشرته في جميع النواحي
معه بحثت أسرار الأوضاع وإياه=ذيباً مدا فكره بعيد المناحي
صاحب معرفه يرفع الراس برياه=شور العزيز اشعار فوز النجاحي
اللي جهوده تبذل الخير يمناه=واف الذمم منه العرب برتياحي
كلاً يحبه من عدالة سواياه=عندي وعند الطيبين الصحاحي
بداي يسلم في مقامه شكرناه=وقلد البشري وسام الوشاحي
تقدير للي فرح البال وعطاه=في جولته جاني وسلم وراحي
قال اعتمد باب التعلم فتحناه=بكره دوام الدرس يبدأ صباحي
والطيب اللي هكذا ما نسيناه=يجيه من صوبي هدايا اقتراحي
ادفع مراسيلي ردود الخبر جاه=شاله بريدي مع فلاح او صلاحي
عنوانه اللي حي فاله وملفاه=بين الملا صيته كما البدر ضاحي
النعم ناله في مجاله وطرياه=مدير وسمه بزرق الحبر فاحي
كتبت انا رمزه وبالخط يقراه=واجمل تحيه في خطاب افتتاحي
تاصل على قرماً نضيفه نواياه=قلبه نضيف أحلا من الماء القراحي
مندوبنا يمه توجه بممشاه=غادر إلى بداي دربه سماحي
سافر لبو بندر عسى اللاش يفداه=فداه من جاره منه مستراحي
ذاك الذي حتى ولد جاره أبكاه=والجار جنبه يزعجه بصياحي
يفداك من يشكي قصيره خطاياه=والعفن واللي بالعطايا شحاحي
يابن الشيوخ اهل النواميس والجاه=اللي شيمها بالبلد وضواحي
شجعان في تاريخها الذود تحماه=كم غازياً بالقاع حول طياحي
تبكي عليه أم الجدائل وتنعاه=عشيرها لقاه موتاً ذحاحي
شلفاء عقيداً ما حدن ناش مفلاه=حارس ظعن نطاح واجب كفاحي
يردع طمع قوماً تباء النوق واعداه=من فعل جدك رئيس القوم طاحي
اركباكم عشب الحياء القفر ترعاه=فرسان أهل بيرق وخيل أو رماحي
من رووس حرب الطيبه ساس مجناه=بيت الفخر والمجد رجل المداحي
والشعر من حظ المكرم بدعناه=نصيب مكرم من عناله وراحي
راعي بغاديداً على النار مركاه=ريحة بهاره مع هبوب الرياحي
قهوة شرف فنجاله البن محلاه=يجعل فوقه بارق الوسم لاحي
سحاب رعاد النداير توطاه=والسيل في ديرة هل الجود ساحي
عسى على دار المروه نثر ماه=تحته مشت شعبان وادي بطاحي
يسقي وطن منجاله الضيف عشاه=عز الضيوف اللي يبون المراحي
لا جاه طرقي بالتراحيب حياه=من جد هلا بالضمير انشراحي
هذا عمل طبع السنافي وصفناه=فيه الصخا دايم على الطيب صاحي
ريف الرفيق إليا رما الوقت مخطاه=يرفاء بحاله مثل طب الجراحي
ساعد وقف نفع الوليده شرحناه=يوم الردي ما شب ضو الضحاحي
يوضي سراجه في دجى الليل شفناه=بيته تقل نيرة مدينة سلاحي
مفتوح بابه والمسايير تلقاه=ربعه وكل اللي يجيه استراحي






رد مع اقتباس
قديم 04-06-2010, 11:58 PM   رقم المشاركة : 2
عضو جديد
مميز





نسمه غير متواجد حالياً


Loveit

نشكر الشاعر موسى بن سرور عاى هذه القصيدة

ونقول له صح لسانك وقليله القصيدة على الشيخ ابوبندر يستاهل اكثر من ذلك

سبحان الله وبحمده سبحان الله العظيمنقرتين لعرض الصورة في صفحة مستقلة







رد مع اقتباس
قديم 08-25-2010, 03:24 AM   رقم المشاركة : 3
مدير عام
مميز





موسى ابن سرور غير متواجد حالياً


افتراضي

مروووووووووووووو كريم
شـكــ وبارك الله فيك ـــرا لك ... لك مني أجمل تحية .






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 05:55 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد