العودة   منتدى الشاعر موسى بن سرور > ๑۞๑ المـنـتـديـات الـخـاصـة بـالشاعر ๑۞๑ > ¨™ قصائد الشاعر موسى بن سرور ™¨

إضافة رد
 
أدوات الموضوع انواع عرض الموضوع
قديم 11-25-2009, 05:35 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 27- قصيدة قالها الشاعر بالشيخ / عالي بن معلا بن عائش بن قصان المظيبري واخوانه الكرام


الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة

عزيز عندي في ضمير الشواعير=وانا مع اللي مجد الاعزاز ناله
جاني وحييت المكرم بتعبير=من فوق جيبه من حفيز الوكاله
من زارني واجب أنا أجيه تبكير=عاجل بريدي بالمكاتيب جاله
حقه على رأسي ولا قول تعذير=يستاهل الامثال شعري حكاله
من رؤوس ربعي من رموز المناعير=ريف المجاور يرحمون ابحواله
من شأن عالي محترم جيت تقدير=شربت من بنه وقهوة دلاله
حلوة طعم وامز عفره هيل تبهير=تشدي طعم قهوة ملوك الجلاله
عالي يرحب بالضيوف المسايير=يفرح بربعه ثم يرخص حلاله
من ساس مجناه الوجيه المسافير=عائش نعم وابوه وايضا خواله
وأخوانه اللي من مجاذب مشاهير=الكل منهم مدركين الرجاله
أخوة سوا تمشي مقاديمها الخير=تكاتفوا من بينهم بالعداله
حب التلاحم شجعه سالم الزير=الفارس اللي في سميراء بقاله
تاريخاً ابيض يالحرار المصاطير=يوم اثراء لكليب وقت الخياله
والتفرقه في ذمتي ما بها خير=وايضا استماع اللي علومه رزاله
يجيك بهروج الرزيلين تزوير=لا يخدعك شيطان كذب الهواله
جنب عنه خذ من هل الفكر تحذير=لا تشترك مع قوم حزب الضلاله
شد النصيحة يا عقيد المغاتير=وامانه الطيب يعلم عياله
على الوفاء الأفضل تراء الدين تنوير=نوراً على يمناك واخر شماله
جمع الشمل طبع الرجال المغاوير=والحسحسه منقود عيباً نذاله
وأنا زميلي يشرح الصدر تبشير=يبنى عمد بيت الكرامه عساله
جزيل عونه بالعطا صدق تقرير=وجه السعد كساب مدح النفاله
اسمه مسجل بالقلم خط تكرير=عالي وعنوانه مقر الشكاله



التاريخ : 9/3/1426هـ
قصيدة الشاعر / موسى بن سرور بزاع المظيبري قالها بالشيخ / عالي بن معلا بن عائش بن قصان المظيبري والقصيدة تشمل إخوانه الشيوخ الأكارم لحيث الشاعر قال : من عدد (44) بيت شعر .


سلام عد أبروق نو المزابير=غيث اسحاب اللي تزايد خياله
أمطر رعد سيله ضرب نجد تحدير=سالت مرابع نجد واخضر سهاله
عقب الجفاء باشر ربيع النواوير=عطر حماد أرضه وعطر جباله
مني موجها على القرم تصدير=تشريف وقبل يا النداوي رساله
يابن الفهود اللي دعوني بتحضير=دعوة مثل شرواك موسى عنا له
عزيز عندي في ضمير الشواعير=وانا مع اللي مجد الاعزاز ناله
جاني وحييت المكرم بتعبير=من فوق جيبه من حفيز الوكاله
من زارني واجب أنا أجيه تبكير=عاجل بريدي بالمكاتيب جاله
غادر حماه الله وال المقادير=نية عنيزه للفتى بجتواله
نقل تحياتي معه يسبق الطير=واخبار واخطابي من آبان شاله
جواب واضح ما يبا شرح تفسير=منصاه شيخاً مع نديبي مشاله
حقه على رأسي ولا قول تعذير=يستاهل الامثال شعري حكاله
من رؤوس ربعي من رموز المناعير=ريف المجاور يرحمون ابحواله
من شأن عالي محترم جيت تقدير=شربت من بنه وقهوة دلاله
حلوة طعم وامز عفره هيل تبهير=تشدي طعم قهوة ملوك الجلاله
حياكم الله عند واف المخاسير=بنيابتاً عند الذي حي فاله
شبّاب ناره فجر الأصباح واعصير=بالجود حامي ضوها بشتعاله
عالي يرحب بالضيوف المسايير=يفرح بربعه ثم يرخص حلاله
من ساس مجناه الوجيه المسافير=عائش نعم وابوه وايضا خواله
وأخوانه اللي من مجاذب مشاهير=الكل منهم مدركين الرجاله
أخوة سوا تمشي مقاديمها الخير=تكاتفوا من بينهم بالعداله
واليا تعب واحد من الجري بالسير=قاموا وشدوا في يديهم حباله
مثل مواقف شامخ الصيت واعمير=عقيل أبن راشد سراء في رحاله
هجد عرب ميثا السيوف اشواطير=قطع على الجدعاء صحاري لحاله
حب التلاحم شجعه سالم الزير=الفارس اللي في سميراء بقاله
تاريخاً ابيض يالحرار المصاطير=يوم اثراء لكليب وقت الخياله
والتفرقه في ذمتي ما بها خير=وايضا استماع اللي علومه رزاله
يجيك بهروج الرزيلين تزوير=لا يخدعك شيطان كذب الهواله
جنب عنه خذ من هل الفكر تحذير=لا تشترك مع قوم حزب الضلاله
شد النصيحة يا عقيد المغاتير=وامانه الطيب يعلم عياله
على الوفاء الأفضل تراء الدين تنوير=نوراً على يمناك واخر شماله
جمع الشمل طبع الرجال المغاوير=والحسحسه منقود عيباً نذاله
وأنا زميلي يشرح الصدر تبشير=يبنى عمد بيت الكرامه عساله
جزيل عونه بالعطا صدق تقرير=وجه السعد كساب مدح النفاله
اسمه مسجل بالقلم خط تكرير=عالي وعنوانه مقر الشكاله
اللي وقفلي باليال المعاسير=وقفت شرف معروف حضرة مجاله
رجل الفخر يوم الردي فيه تقصير=يفداك يا راع الشيم والجماله
يفداك من يملك كثير الدنانير=بخيل يقضب يالنشاما رياله
من جابلي حسنه أنا أعطيه تشكير=والعفن ذاك اللاش مالي وماله
خله مهف امقبط ورشاه بالبير=خطو الهبود أفرح بطاري زواله
يسلم موقر طالع الذكر تضهير=عالي معلا لا غداء الراي قاله
جيت استشيره من بعيد المشاوير=زبن الرفيق اللي يضلل ضلاله
صاحب معرفة وانتخابته عن الغير=نوع المروه وصخا وسط باله
صوبه نسوق اركابنا والمضاهير=قدامي اللي كل نوماس طاله






رد مع اقتباس
قديم 02-12-2010, 02:53 PM   رقم المشاركة : 2
عضو جديد
مميز





فالح المظيبري غير متواجد حالياً


افتراضي

موفق بإذن الله ... لك مني أجمل تحية .







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 03:54 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد