العودة   منتدى الشاعر موسى بن سرور > ๑۞๑ المـنـتـديـات الـخـاصـة بـالشاعر ๑۞๑ > ¨™ قصائد الشاعر موسى بن سرور ™¨

إضافة رد
 
أدوات الموضوع انواع عرض الموضوع
قديم 06-05-2010, 01:57 AM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 64 - قصيدة الشيخ الشاعر الكبير قديمة التاريخ قالها سرور بن بزاع بن بازع المظيبري




الشاعر الشيخ سرور بن بزاع بن بازع بن حمدان بن بدوي المظيبري
نقرتين لعرض الصورة في صفحة مستقلة


عشنا مع الهذال في وقت راحي=ما زاد عن سبعه ماهو حاسبينه
سبعه جلاويه ومطاح طاحي=لسد في مثلم ولا فاقدينه
أومشعان يومنه تحدر وراحي=صار الجبل بيدين من باعثينه
فضله على السبعه بكل النواحي=ثم إنتها الواجب ولا شامتينه
أعطى أبدوي ملُك انخله بالنصاحي=صداقةٍ ماهي ضعيفه متينه
ربط علاقه معه كسب الرباحي=مع شيخ أبن هذال حامي ضعينه
راع الشيم مشعان رجل المداحي=تاج الفخر في شهرته لابسينه
شيخاً مشبب جعل ذنبه مباحي=ديوان بيته بالسخاء فاتحينه
والجار معهم يلحفونه جناحي=مكانته بياء جهه ممنينه
كانت منازلهم أبنجد البراحي=وابان صار أبشعرهم ذاكرينه
وقفى كما حرٍ كفخ بالجناحي=أونجدٍ تركها لو هواها حسينه
نصاء العراق أوقام به واستراحي=طش الرحال او لاخذ الكيل دينه
اعنوز لحل القضا والصياحي=في حد واجبها تروي السنينه
منهم خلف يا سامعين أقتراحي=وعقاب هو وحجاب يا عارفينه
أشيوخ منبعها طيور الفلاحي=اوكلً على قدره تقلط يمينه
اوماني بسب متيهين اللقاحي=ياكثرهم ياهل القلوب الفطينه





قصيدة رقم (64) من عدد (53) بيت شعر التاريخ عام : 1380هـ

قصيدة الشيخ الشاعر الكبير قديمة التاريخ قالها سرور بن بزاع بن بازع بن حمدان بن بدوي المظيبري راعي بلدة الناصفه في أبان الأحمر بمنطقه القصيم لحيث القصيده تطرق فيها وذكر الشيخ شهير الصيت مشعان بن هذال العنزي الذي كان بالتاريخ القديم عاشت معه المظابره فتره طويله بالعصور الماضيه وذلك معه في عشرة وفاء وأخوه صادقه و ابن هذال قد كانت مدهيله أبانات ويشرب حلاله وإبله من انخله و هي تلعة بها أملاك نخيل كثيره مغروسه على باب كريم ويسقيها المطر على مجرى سيح وادي تدفق عليه سيول من رؤوس جبال شامخه وتمشي عيون تجري إلى حتى النزول إلى أرض السهله هكذا ومرابيعه مشعان بالسابق منهن الجرذاويه ودخنه والعلم والعيثمه والمقوزي وله قصائد عديده توجد بآخر هذي القصيدة وذلك من عدد أربع قصائد هذا ما لدي من أخبار وبعد ننظر ما قال الشاعر في قصيدته:


نبا نسوي قهوةً من قراحي=من بير ماها ما نبا غير زينه
حمستها ودعيلها بالنجاحي=قلبي لها عنها اللهب قاصرينه
في ذوقها ما فيه لذعة ملاحي=بريةٍ من سوق غالي ثمينه
وابهارها أفضل كيف يا بن صلاحي=عنك العماس إيطيره ذوق زينه
صبها بنجرٍ كل مادق صاحي=نجرٍ دمشقيٍ نجح منتجينه
يلعي كما ذيبً عواء بالمزاحي=لليله قضى وأهل الدبش قاهرينه
ودلالها الرسلان حديد صاحي=تلقا لهن عند أهل الصنف عينه
يا زين شبت نارهن بالصباحي=من جا محيينه ولا كارهينه
قهوة عرب في بدع قاف افتتاحي=أنتاج بن أمن اليمن مشترينه
رفعت فيها السوم يابو فلاحي=غاية هدف من تاجراً جالبينه
فنجال هيلاً بالبغاديد فاحي=حمست اديباً عن حرق ضابطينه
صبه على اللي يستحق الوشاحي=لبو الجميال موقفه خابرينه
مده على الشامخ وسيع المناحي=على الذي صيته نعم سامعينه
حماي مفلا فطره والضواحي=عن ربعته حمل الثقل شايلينه
شيخاً قبس بالليل نور الضحاحي=بالجود ضوه بالمسا مشعلينه
يومي لطرقي للعشا والمراحي=في دار صاحب مجد طيب سكينه
هداج بيته عطره بالرياحي=لضيوف يذبح من قديم السمينه
ترثت من أهل الخيل يوم الكفاحي=كم غازياً عن ذودهم طاردينه
دون الضعن فرسان موتاً أذحاحي=افعالهم دون الضعن حارسينه
اقروم يفداها العفون الشحاحي=رمز الكرم وأهل النفوس الامينه
وجه السعد من جاه يلقا ارتياحي=اللي نبأ بالــه نضـيف الضغينــه
اللي يشرف مجلسه بالصلاحي=شجرة شرف معصوم عن كل شينه
حضرة مجاله بالوفاء بدر ضاحي=يقال بسمه بيض الله جبينه
نال الشهامه واختتام النجاحي= قصايره طول الدهر شاكرينه
وحب أنا الزاير يزيد إنشراحي=إلا ردي الدين ومرافقينه
أوبيتي مسلح عقب ماهو سياحي=واليوم يا عسره على أمشددينه
اوماها من الحمراء نزيل البطاحي=يجعل يسقيها روايح غشينه
يجيك برقه باتلن ما ستراحي=بحساب راشد يبتهج نازلينه
يرفض يجيها السيل بحسن نواحي=من ضلع مرقد والهضاب المتينه
أوينبت عليها القرط ماهو مزاحي=أومن زين ماها ما يبا أمحللينه
اليا درج ساقيه حزت صباحي=تقول فيه أمن أحسن الطيب عينه
ماها عسل لهل الكبود الصحاحي=وابان ما سقاه الحمر من بطينه
أوماها يجي من شامخات الفقاحي=تقول من مزن المطر قاطشينه
والناصفه زينت محل أومساحي=هي ديرتي في وقت عسره ولينه
داراً سكناها زمان الرماحي=يومٍ كلاً عزوته من يمينه
يوم الفتايل والرجال الصحاحي=من جلوة السبعه إلى وقت حينه
واليوم ورد أمحنشات السلاحي=يصلح لمن صابه غواء عن يقينه
أوعشنا مع الهذال في وقت راحي=ما زاد عن سبعه ماهو حاسبينه
سبعه جلاويه ومطاح طاحي=لسد في مثلم ولا فاقدينه
أومشعان يومنه تحدر وراحي=صار الجبل بيدين من باعثينه
فضله على السبعه بكل النواحي=ثم إنتها الواجب ولا شامتينه
أعطى أبدوي ملُك انخله بالنصاحي=صداقةٍ ماهي ضعيفه متينه
ربط علاقه معه كسب الرباحي=مع شيخ أبن هذال حامي ضعينه
راع الشيم مشعان رجل المداحي=تاج الفخر في شهرته لابسينه
شيخاً مشبب جعل ذنبه مباحي=ديوان بيته بالسخاء فاتحينه
والجار معهم يلحفونه جناحي=مكانته بياء جهه ممنينه
كانت منازلهم أبنجد البراحي=وابان صار أبشعرهم ذاكرينه
وقفى كما حرٍ كفخ بالجناحي=أونجدٍ تركها لو هواها حسينه
نصاء العراق أوقام به واستراحي=طش الرحال او لاخذ الكيل دينه
اعنوز لحل القضا والصياحي=في حد واجبها تروي السنينه
منهم خلف يا سامعين أقتراحي=وعقاب هو وحجاب يا عارفينه
أشيوخ منبعها طيور الفلاحي=اوكلً على قدره تقلط يمينه
اوماني بسب متيهين اللقاحي=ياكثرهم ياهل القلوب الفطينه







من قصائد الشيخ مشعان ابن هذال العنزي


يا طيري اللي ماكره بالطويله=بالدوسري مابين أبانات وسواج
صيده مخاضيع المها والجليله=وطيري اللي لبرق الريش زعاج
اليا ينطلق صاد الحباري حصيله=في روضاً اخضر ريحته من زهر فاج
ترعابه النوق الهدوج الاصيله=في ضف شيخاً خاطره طلق واحجاج
منجاه يبشر ما يبأ يستويله=ريفاً على العاني وللضيف هداج




قصيدة نجل ولد أبن هذال العنزي حسب الروية


في لذت الدنيا معاميل وافراش=او صينيةً يركض بها مثل مسعود
والمسعد اللي ما مشا اليوم حشاش=عقب الحياء يمشي على كل منقود
مرباعها الصمان تقصر عن الطاش=أومقطانها دخنه اليا صرم العود
يزينهن لاجاء لنا ضيف هتاش=شقح اومجاهيماً لهن بالحلا زود
ذيدان شيخاً يدهله كل طراش=مضياف بيته راعي المجد والجود
كريم يفداه البخيلين واللاش=أبن الشيوخ اللي لهم طيب واشهود
ركائبه ماجابهن غزو حواش=من دونهن ينطح عداء القوم وإيذود




وهذي قصيده من قصائد مشعان ابن هذال العنزي


ضعايناً حطن يميناً بسنجار=أومرن على الخابور زين الدواوير
ورداً شثاثه واقحطنبه بالأسعار=يامشيهن يسبق ركيب المعايير
لابد ما حنا لابانات زوار=من فوق عجلاتاً تقود المضاهير
ناتيه مثل السيل طمام الأعوار=عن دربنا اتموج القبائل شعاثير




ومن ما يقال عن هذه القصيده لابن هذال العنزي


يانجد لاجاكي حيأ فزعا جيلنا=شبي لنا ابراس المقوزي نار
عدي برجم المرتفع صوتيلنا=يانجد يا دار العرب تكرم الجار


تنسب لابن هذال والمقوزي فهو ضلع جبل شامخ له ثلاث رؤوس طول بعضهن وهو ياقع عن أبانات غرب على بعد 50 كيلو المقوزي فهو من ديار مطير هكذا والسلام عليكم .
حسب روية الشيخ الشاعر سرور أبو موسى ـ إعداد وتنظيم وتنفيذ ابنه الشاعر موسى بن سرور .
نقرتين لعرض الصورة في صفحة مستقلة
الشيخ الشاعر موسى بن سرور مخرج القصيده عن أبيه ومحررها






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 08:01 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد