العودة   منتدى الشاعر موسى بن سرور > ๑۞๑ المـنـتـديـات الـخـاصـة بـالشاعر ๑۞๑ > ¨™ قصائد الشاعر موسى بن سرور ™¨

إضافة رد
 
أدوات الموضوع انواع عرض الموضوع
قديم 06-05-2010, 12:34 AM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 60 -هذي الشعريه رد على أمي وهي قصيده التي تسوق وتقول من نوع الغزل الرائع قالها الشاعر






الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة

يا الله بنصرك على اللي دونها جافي=ياللي بحورك على فرعون طابقها
وانجيت موسى كليمك راح متعافي=ضرب عصاه البحر بالفور فالقها
اجمع بها الشمل غاية مركز اهدافي=تومي بنفسي وعن مشهاي عايقها
ابو ثماناً مليحه بيض وارهافي=الله على حسن وضع الكيف خالقها
مثل القمر خد وجهه ليل الانصافي=صورة جبينه على الجملات فارقها
لو شافها عاهل الها صار ميلافي=غنت بها املوك بالمغرب ومشرقها
عين اشقرن ماكره في راس مشرافي=بعيونها السود ترميني بنادقها
ريماً رمتني وصابت كل الأطرافي=ثلاث رميات في روحي مفاتقها
اقوم واطيح والها صحت ما رافي=مدري وش أسبابها والنار تعلقها
نادو لنا بالمطافي والله الشافي=ترشني شب في كبدي حرايقها
دقت زنود الخطر ياناب الأردافي=كأنها تبا ذبحتي مابنت تسبقها
تمشي على هون واضفو فوقي الحافي=وحالي اللي أبحر الود مغرقها
يا ليتني في ثمور الزين غرافي=دلوي منه نوب نملاها ونشلقها
مصيونة العرض منها القلب ينلافي=والله ما داجت بأوربا في حدايقها
ما سافرت صدق ماهو قول مزهافي=فيها القريحه جواهر نظم طارقها
صارت لنا الجرح وهي الطب واسعافي=واليا بغيته قفول الباب تغلقها
والحب يا جاهلن به موت قصافي=يطعن كما ارماح عنتر يوم يزرقها
والحب من نوح قبلي ذيك الأسلافي=ركائبه قدمي ابوزيد سايقها
مع درب جرة ذلوله دمها السافي=غنا على سيهله عجلان ينتقها
لديار علياء بغاها عقب الانكافي=جاه الخبر والهدايا من علايقها
قالت توجه وطاني سيل وارعافي=قصائداً عبرت له من حقايقها
واقبل لها ثم قام الشعر متقافي=بسم العشيقه وهو زيزوم شايقها
وانا قصص حب راع المبسم الدافي=مرر طعم عيشتي والحال مرهقها
ترف القدم بنت نادر بيت الأشرافي=ياليت ياليت موسى من رفايقها
أظنه الشواء الحياتي قرب مهيافي=من زاكي العقل ما لمست مخانقها
جيته وجاني بسوقه يابو نوافي=هرجت معها واشوف الهم صافقها
وانا غبوني سببها تردف اردافي=كسبت ريحة جدائل مسك ناشقها
مع ذاري الريح واقفتها وميقافي=فرصة حديثي قليله من دقايقها
علمتها في علومي قلت عيافي=عن كل مجمول لو تنفض بيارقها
اوقالت تراني نصيبك طيباً وافي=يفداك من لحيته بالموس حالقها



قصيدة رقم (60) من عدد (61) بيت شعر عام : 1427هـ

قصه وقصيده لحيث أم الشاعر الكريمه كبيرة سن وهي بالضمان الاجتماعي من زمان طويل وكان معها صرافه وتوقفت عن صر ف المعاش الشهري لها من سبب عمليه أخذ رقم السجل المدني المخصص لها ثم أنه نقل إلى مره ثانيه ذلك صار وطال الانتظار مع تعطيل البطاقة لا تصرف معاش ستة شهور مضت معاملات من مدير الأحوال بالرس إلى الرياض وبرقيه ولم تجيه أجابه لين حتى أني ذهبت بهذا الشأن فوجدت أمور صعبه للغايه وهو الرقم الذي لامي وجدته باسم مره كامله باسمها وأبوها وجدها وفخذها وغير ذلك فطلبت إعادة رقم حفيظة أمي لها باسرع وقت فأدركت ذلك فانحلت الأمور بعد فتره من الوقت ومراجعتي بالرياض وقد أخذت رقم المعامله الصادره إلى الرس فجيت من السفر وزان بدع القاف وقلت هذي الشعريه رد على أمي وهي قصيده التي تسوق وتقول من نوع الغزل الرائع قالها الشاعر موسى بن سرور بن بزاع المظيبري حيث قال :



أنتي لكي حق نمشي لو انا حافي=وأمي عسى الله بكل الخير يرزقها
والله يا كان نفعي عندس إيشافي=اطيب منه رضعةً من فدي ذايقها
ملحق جزاء الأم مهما قلت في قافي=ياكثر مدة كرمها مع طرايقها
تضفي علي الغطا بالمرقد الدافي=عن صفقة البرد نومي في شنايقها
ما مثلها احداً حضني لطفها صافي=ياغير والد هذاك الشيخ رافقها
سافرت من شانها بالموتر الصافي=بمعاملات المدير اسعود لاحقها
لقيت جابة خطابه طيبه إيشافي=ولقيت لي ناس يالله لا توفقها
فيها البلا والنكد مع شرها الخافي=واقوالها كذب لا يمكن نصدقها
والله على سر غيب الناس كشافي=والنيه الباطله واشلون يعتقها
مير العدل فوقها نائف بالاشرافي=قاضي شريعة نبي الحق طبقها
حاكم بقول الولي رحام الأضعافي=رباً بنا سبع عالي في طبايقها
ياياه شونس يجيس اوراقه أخلافي=سيارته مقبله بالخط سابقها
بريد رسمي حكومي سائقه لافي=معه مكاتيب حكام المناطقها
وقفت انا صاحبه كلمته اسنافي=شرحت له قصتي باللسان ناطقها
قلت اعطني خط لامي في يدي كافي=مردود برقيتاً لسعود مبرقها
قال اعذر الرجل وانته رجل عرافي=شان الامانه ثقيلة حمل مطلقها
وانا ترى الصبح عند اسعود ميقافي=سيارتي بالأداره صبح الابقها
ماني ردياً على ما قيل خفخافي=وداعته مع ثقة قياد بايقها
سود كتابه سواد الأسود الضافي=ليلاً يغط السفر والشمس يلبقها
هذا جوابه سهجته يمشي اخلافي=مسرع وبا خفرتاً قدام عاشقها
ابو ثماناً مليحه بيض وارهافي=الله على حسن وضع الكيف خالقها
مثل القمر خد وجهه ليل الانصافي=صورة جبينه على الجملات فارقها
لو شافها عاهل الها صار ميلافي=غنت بها املوك بالمغرب ومشرقها
عين اشقرن ماكره في راس مشرافي=بعيونها السود ترميني بنادقها
ريماً رمتني وصابت كل الأطرافي=ثلاث رميات في روحي مفاتقها
اقوم واطيح والها صحت ما رافي=مدري وش أسبابها والنار تعلقها
نادو لنا بالمطافي والله الشافي=ترشني شب في كبدي حرايقها
دقت زنود الخطر ياناب الأردافي=كأنها تبا ذبحتي مابنت تسبقها
تمشي على هون واضفو فوقي الحافي=وحالي اللي أبحر الود مغرقها
يا ليتني في ثمور الزين غرافي=دلوي منه نوب نملاها ونشلقها
واصير في شجرة الريحان قطافي=شلفا رموشه بوسط الجسم خافقها
مصيونة العرض منها القلب ينلافي=والله ما داجت بأوربا في حدايقها
ما سافرت صدق ماهو قول مزهافي=فيها القريحه جواهر نظم طارقها
ماركبت الطائره ما راح مصيافي=بعض النسا قيل بالخارج صدايقها
بالمملكه في علمها سيف رفرافي=افضل علم من عطاء الرحمان رازقها
دولة وطنها سقاها سيل الأريافي=عسى الندائر عليها زاد بارقها
جعل بلدها يغسله غيث هتافي=ينبت ربيع الخزامى في زمالقها
لولا الحيا لاتخذ للعذب ملقافي=مع سكته لاطلع مناك ندرقها
واشر لها بالتوقف جنب الاكتافي=ودرس لها خطةً متشاف وزرقها
صارت لنا الجرح وهي الطب واسعافي=واليا بغيته قفول الباب تغلقها
يا الله بنصرك على اللي دونها جافي=ياللي بحورك على فرعون طابقها
وانجيت موسى كليمك راح متعافي=ضرب عصاه البحر بالفور فالقها
اجمع بها الشمل غاية مركز اهدافي=تومي بنفسي وعن مشهاي عايقها
والحب يا جاهلن به موت قصافي=يطعن كما ارماح عنتر يوم يزرقها
والحب من نوح قبلي ذيك الأسلافي=ركائبه قدمي ابوزيد سايقها
مع درب جرة ذلوله دمها السافي=غنا على سيهله عجلان ينتقها
لديار علياء بغاها عقب الانكافي=جاه الخبر والهدايا من علايقها
قالت توجه وطاني سيل وارعافي=قصائداً عبرت له من حقايقها
واقبل لها ثم قام الشعر متقافي=بسم العشيقه وهو زيزوم شايقها
وانا قصص حب راع المبسم الدافي=مرر طعم عيشتي والحال مرهقها
ترف القدم بنت نادر بيت الأشرافي=ياليت ياليت موسى من رفايقها
أظنه الشواء الحياتي قرب مهيافي=من زاكي العقل ما لمست مخانقها
جيته وجاني بسوقه يابو نوافي=هرجت معها واشوف الهم صافقها
وانا غبوني سببها تردف اردافي=كسبت ريحة جدائل مسك ناشقها
مع ذاري الريح واقفتها وميقافي=فرصة حديثي قليله من دقايقها
علمتها في علومي قلت عيافي=عن كل مجمول لو تنفض بيارقها
اوقالت تراني نصيبك طيباً وافي=يفداك من لحيته بالموس حالقها
والثاني اللي سراجه ماقبس طافي=والثالث اللي عيونه برق يبلقها
والرابع ابو النميمه نذل حذافي=عينه تقل كايمره للجار يسرقها
مابه شهامه بعرض الناس قذافي=والناس من سبته بكره يفرقها
مكاسبه في حياته نقص واسرافي=خطو الردي صورته منشانك أحرقها






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 11:15 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد