العودة   منتدى الشاعر موسى بن سرور > ๑۞๑ المـنـتـديـات الـخـاصـة بـالشاعر ๑۞๑ > ¨™ قصائد الشاعر موسى بن سرور ™¨

إضافة رد
 
أدوات الموضوع انواع عرض الموضوع
قديم 06-05-2010, 12:19 AM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 57 - قصيده مهداء للدكتور صبري بن عبد العزيز بن محمد طبيب مستشفى الزهراء بالمدينة





الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة


الدكتور صبري بن عبد العزيز بن محمد
نقرتين لعرض الصورة في صفحة مستقلة


قصيدة (57) من عدد (51 بيت شعر ) عام 1426هـ

بحمد الله وتوفيقه وفضله لقد تم شفاي من العارض الصحي الذي كنت أعاني منه بالسابق في حاله حرجه من حصوات بالكلى وأخرجهن الله من عملية سعادة دكتور طبيب مستشفى الزهراء بالمدينة المنوره لحيث قرر د. صبري بن عبدالعزيز بن محمد المصري لنا عملية وأجراها وتكللت بالنجاح من فضل الله تعالى وبعد أنه قام معي مقام طيب وتدخل في صلاحيته في تخفيض تكلفة العملية لين حتى نزلها إلى سعر وسط وهو بذلك مشكوراً وبعد قلت هذه القصيده وهي مهداه مني على أبو احمد وفقه الله قالها الشيخ الشاعر موسى بن سرور بن بزاع المظيبري حيث قال :



يجري على الرجل الحوادث بدنياه=واللي جرالي قسمةً من نصيبي
والحمد لله والشفا من عطاياه=والشكر اله والشكر سعادة طبيبي
على مقامه بالعنايه مدحناه=طبيب طيب من عرب بيت طيبي
دارس وفاهم بوسط العلم واقصاه=دكتور بذن الله يحل الصعيبي
يبذل جهوده والتوافيق بالله=ويداوي اللي من ألم مستصيبي
يوم الغشيم إيلخبط الطب يخفاه=شهادته اضرب عليها صليبي
ماهو طبيب اولا تمنا حلاياه=علاقته جنبت عنها تسيبي
ياغير من تنجح جراحة سوياه=شاطر مثل صبري محنك وديبي
نال الشرف من خدمته طاب من جاه=صاحب معرفه في ذكاء الطب ذيبي
والطيب اللي طالع الصيت نجزاه=اسقيه در الناقه أم الحليبي
فاله شبب عندي قعود إيتعشاه=فعل الكرم ماهو عليّ غريبي
مع دله الصفراء على النار مركاه=قهوة شكاله في طعمها عذيبي
اوعوداً على جمر الحطب ويتلقاه=عطر الزعيم اللي ياضد الحريبي
طيب الفخر كيف الشوامخ حسيناه=ريحه ثمن غالي على صدر جيبي
من جود موسى ما حسب في شراياه=ينفق ورزقه من رفيع الرقيبي
واعطي لبواحمد جوايز لشرواه=للي عمل تنفيذ طبه عجيبي
درع الوسام الحضرة البطل يزهاه=واشعار تاج الطب لبسه يثيبي
كل احترامي من ضميري بعثناه=عنوانه اللي بالمواقف يطيبي
يستاهل تقدير مني منحناه=وامثال شاعر من قصائد يجيبي
شاعر نبط فني جوابه ومعناه=اليا تحدث نطق عالم خطيبي
مدير مجلس للجنة الشعر واعضاه=في مستوى الاشعار بحرٍ شعيبي
بالمحترم قافي يخصه وينصاه=صبري رموز المجد وايضأ صحيبي
دكتور في بقع النبوه عرفناه=غنيت له في صوت عالي دريبي
باذاعة الشعر المفضل نشرناه=محطة ارسال الصحافي شبيبي
ود الخبر يمه يجيله ويلقاه=وده تحيه يالبريد النديبي
أسرع بها ولى ترى الفقس نبغاه=سريع نقله في علومي رهيبي
ورد كتابي في يد الصقر يقراه=وصل سلامي يالوكيل المنيبي
صوبه عدد ممطر سحاباً نثر ماه=غيث السحاب اللي بسيله صبيبي
على الطبيب ازكا سلامي دفعناه=طبيب مثل اسعاف ينقذ صويبي
سلم عليه أو من تجي كان وياه=اعداد مايومي علم والعسيبي
هذا وتعبيري من الجد وافاه=للسيد اللي جاش قبله حبيبي
صبري عسى الباري يعزه ويرعاه=أحفظ حياته يا السميع المجيبي
جيته ومن تسهيل ربي وجدناه=شكيت له من حر مونس لهيبي
في الخطر في داخل الجوف يصلاه=والجسم من مافيه يعني تعيبي
مريض وادعي فارج الكرب بدواه=مولاي في سرع الفرج يعتنيبي
عبداً تحت عرشه وكرسي بناياه=من القصيم إلى المدينه سريبي
في موترن ساقه سنافي ركبناه=قاده اخوي اللي بقولي لبيبي
ساري على كيفي مع الخط يقداه=نمشي وميقن في قضا الله يصيبي
وصلت صبري في دوامه لقيناه=قال انتظر ونشاء الله انك تطيبي
واجراء عمليه شغلها بيمناه=رماء الهدف عبر جهازه يصيبي
والشر من ساعة نجازه نفضناه=اوقبل اصله محسبن شمسي تغيبي
وتم الصحا من فضل ربي حمدناه=رب البشر من يطلبه ما يخيبي
الواحد اللي تسجد الخلق لرضاه=اللي عليماً في خفاء كل غيبي
واليوم من جود الولي طبت بشفاه=جوني نشاما من بعيد اوقريبي
زوار من ربعي ياكم شيخ شفناه=اشيوخ ناساً ما وطت درب عيبي
جمهور واول جاري القلب حياه=اوقلت الردي يفداك عني مغيبي
ما مر ماسلم ولا شفت حلياه=رده أبومنسوع شقراء ذويبي
يتبع لأوامرها وتشعب مطاياه=ويغير معها سبق خيل الهذيبي
كبه عسى خله عشيره تولاه=ويصير منها في مذله يهيبي
وانا الردي والله ماحبه ولا بغاه=لوهو شقيقي من رضاع الحليبي
من مذهبي طبعي تراء اللاش مرضاه=مدري أنا مدل ولا غديبي






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 08:32 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد