العودة   منتدى الشاعر موسى بن سرور > ๑۞๑ المـنـتـديـات الـخـاصـة بـالشاعر ๑۞๑ > ¨™ قصائد الشاعر موسى بن سرور ™¨

إضافة رد
 
أدوات الموضوع انواع عرض الموضوع
قديم 04-08-2011, 09:14 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 68- قصيـــدة الشـاعر سيـار بن مـوسـى في منـاسبة حفـل زواج خـواله والضيـوف الكـرام




.

.

بسم الله الرحمن الرحيم

مخرج القصيده الشيخ الشاعر موسى بن سرور عن أبنه
نقرتين لعرض الصورة في صفحة مستقلة
التاريخ : 28/3/ 1432هـ
قصيده ترحيبيه رقم (68) من عدد (45) بيت من الشعر للشاعر/ سيار بن موسى بن سرور المظيبري ومهديها على حفل زواج الشيخ العسكري البحري /حمود بن ربيع بن شديد بن بدوي المظيبري

يامرحبا بأول بداية مساء ليل = بسم المعزب والمهلي ردفها
من شاعرٍ خص الشيوخ الحلاحيل = دلا بدلوه في بحوره غرفها
حول على المعنى على الصعب تحويل = والجائزه بعيار رميه رجفها
فرصة حلا دنيا حضور المشاكيل = أهل بيارق عز محدن حرفها
تتبع تقاليد أهلها تعدل الميل = نفحاتها بالمجد كلن عرفها
بين البدر بالطيب ماهو تخاييل = شجعان عالي طيبها من شرفها
أبطال بالواجب لهم عزم بالحيل = زبن الدخيل اللي دموعه ذرفها
رحبت فيهم في نداء صوت ترتيل = برجال غاية بهجتي من طرفها
حب الوفاء سيرة عرب توفي الكيل = كلن حفيظ أبذمته ما نسفها
وانا ماذم اهل الأمانه عواديل = سمعة هل الصيت الرفيع انعرفها
والمظلمه صابة عوادي هل الفيل = جاها القضاء من طير مرسل قذفها
وخذ الصحيح احمود فيه التنافيل = بالعهد مخلص في حلوفاً حلفها
على عزيمة مسندي ذابح الحيل = حرن نداوي والعريبه صدفها
بنتً نسبها وبوها نعم يهذيل = مصيونتن بالبيت محدن كشفها
ما سولفت بعيون سودن مكاحيل = بالسوق فلم الكيمره ما خطفها
مهره مجاذبها فخر وخوها أسهيل = متعب وحضك بالشريفه حذفها
حصلتها يا عسكري الجيش أصاطيل = عين الذي توكل ولدها لعفها
مبروك صدت الجافله بالمداهيل = زهرة ربيعاً واسنافي قطفها
وغلا فرح ساقت عليك المخاييل = مشاعرن بحمود بالي عطفها
في محترم يامحلل القاف تحليل = امثال بخيار الرجال اكتشفها
والله يولف بينكم بالمنازيل = كم طيبه لاجاه طرقي قصفها
ينفق ولا في شجرته عفن وابخيل = من قدم الحسنات يلقاء خلفها
عند العزاز اللي عسى دوم متزيل = أمسبحت عن شر همزن كنفها
بيض الوجيه أهل العطا والمحاصيل = تعطي البكار اللي طويلاً شعفها
أصحاب راع الدله أم الفناجيل = قرمن كراماته لضيفه صرفها
وكد فعوله واشهايد رجاجيل = في ليلتن كالعيد كلن وصفها
ساعة عجب عبرت زين التماثيل = هديتاً بالخال تسواء تلفها
في حضرته حبر القلم خط تسجيل = ببن ربيع من لساني هتفها
هلا نيابه عن هل الكيف والهيل = في جمع من فرسان ترثت سلفها
ضيفان رجلاً ما تجيه المداخيل = نفسه على حسن الطبيعه عسفها
جت له شغاميم النشاما مقابيل = للي مواقيف الشهامه وقفها
ابن شوامخ عشرته مع هل الخيل = عشير شيخان القبائل عرفها
متعلمن من تربية طيب الجيل = والد به الأشعار واضح هدفها
يستاهل التقدير واترك هل القيل = ما حصلت غير التعب مع صلفها
رمز الشيم شرواك غيث المهازيل = يمناك عون أضعوف تونس لهفها
تعرف ذراء ريف القصائر بتضليل = ما ليتك من لين قلبك نصفها
للجار تقسمها عنك قلت تفصيل = يوم الدهر بحوال جاره لطفها
قراء وصية من ملك قول جبريل = ياصل ويرحم والخزينه نزفها
مؤمن يزكي عن خطا الذنب والويل = ممدوح ماهو من رخامة حجفها
فيه السخا جاري كما شاطي النيل = كم طعمتن محتاج عنده رشفها
قديم جوده يفرج الهم ويزيل = واليا شكيت اظروف وقتك وسفها
سارع معك عاجل يشيل الحمل شيل = يفداه هبدن بالسوالف لقفها
شيخاً عسى داره يجيها مطر سيل = مزن الحياء جعله بسيله جرفها
يمطر على قصره مقيل اوتعاليل = خسايره هداج واجد كلفها
من مر حيابه يدينه مهاديل = فيه القصيده من مهندس عزفها






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 05:53 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد