أدوات الموضوع انواع عرض الموضوع
قديم 06-05-2016, 12:19 AM   رقم المشاركة : 1
مدير عام
مميز





موسى ابن سرور غير متواجد حالياً


افتراضي قصيدة رقم 82 قصيدة التعبير ودعت غالي غاب بغيابه اليوم من عدد 86 بيت

قصيدة التعبير للشيخ الشاعر مدير عام المتندى موقع الوطني للأشعار الملكية الوطنية موسى بن سرور المظيبري العبسي هذه القصيدة من اعلى قصائد الشيخ الشاعر والتي تعبر عن امثال رايعه بوضوح رقم القصيدة ( 82 ) من عدد85 بيت من الشعر قالها في وفاة أبنه رحمه الله محمد بن موسى وابن عمه حمدان بن بازع رحمهم الله رحمة واسعة هكذا وبعد تمثل الشاعر فقال : بتاريخ يوم الجمعة 20/8/1437هـ

نقرتين لعرض الصورة في صفحة مستقلة
[IMG]نقرتين لعرض الصورة في صفحة مستقلة[/IMG]
[/IMG][/COLOR][/B][/SIZE]

ودعت غالي غاب بغيابه اليوم = مغيبته يا شيب راسي طويله
من عقب ما كنا سوى الشمل ملموم = راح اوتركني بالحياه الفضيله
ربي كتب ما صابني منه مهظوم = خرج من الدنيا واهلها الذليله
ما عاد أشوفه في لحد قبر مدهوم = ابني معه حمدان بازع زميله
مونس وكامي وابشر ابليس مرجوم = ندحر شياطين الجنون الهبيله
بالعقل والتقوى على الدين ينعوم = ينجيك من نار الجحيم المليله
دنيا كذا فوق أخوتي تدرج الحوم = يا ما رمت باهل السيوف الصقيله
تاكل عشاها اللي به الطيب مزعوم = كم من ملك من عرش حكمه تقيله
واصبح سقط منها قمر بدر ملقوم = تاتيه لو ماله خطى ذنب عيله
دنيا رمتني وحدثت سقم محزوم = شلت وزيري ظهر في وقت قيله
لاكن عسى في ذمة الله مكروم = في نور طول الغيبه المستطيله
ندعي عسى ماهو من الحور محروم = مع حور جنه تعجبه واتحكيله
عساه يشفعلي اليا جيت مرغوم = أراه بالفردوس وارث وجيله
معه شقيقه في رضى الرب معموم = لهم غفر وضفى عليهم جميله
من جدي أدم سنه الموت ملزوم = هذا فناء واخر بدا نقل شيله
وانا فقدت ابني وانا منه ملطوم = قدمي مع الاموات عابر سبيله
حلمته البارح برؤياي باحلوم = جعل النعيم اللي تفرح نزيله
تحت الثرى ذعت الخبر عنه وعلوم = أقفى عن امه والابو في رحيله
من حادثً قضى على اثنين مقسوم = أمر القدر ما في يد العبد حيله
خذاه مني خالقه حي قيوم = بعد حضنته بالسنين القليله
درسته أطبوعي وعلمته أسلوم = والبسته اثياب الشرف واشتريله
مسك تقاليدي عن العيب مفطوم = علام بقعاء وش بلاها تجيله
غارة ولا يدري عن الغيب محجوم = وثر ملك موته وقف محتريله
عقدين عندي في رخاء يابو سلوم = ذا لحين صدري يصتلي من غليله
طبي تعذر ظامري جرح واثلوم = والمعفي الله بالكبود العليله
دمعي من افراقه تقل ما طر أغيوم =يجري من أعيوني على الجيب سيله
بيني وبينه مبلغه قول مفهوم = أجوزه بنت الشهير الأصيله
ريم الهدف غايه لهم كفو واتشوم = تاج الجمال أم العيون الكحيله
ناوي بذلك بنت أبا الجود زيزوم = تصير له بنت الشهامه حليله
من محصنات اوصافها لول معدوم = أصيد له من بيت صالح جزيله
اللي نسبها زي شرواه معصوم = والكامل الله والنبي مع خليله
حمدان ومحمد عسى الكل مرحوم = ترثت معرب تردع الغزو خيله
يالله ثباتك عقبهم كرب وهموم = سلواك يا رحمن منجي دخيله
واللي بكا إعياله فلا يلحقه لوم = ليلة حزن جتني عن ألفين ليله
من دهشة الروعه وعد أجل محتوم = رحمتك يالباري صفاتك جليله
رب السماء العالي فرج كل مظيوم = اللي هزم عن كعبة البيت فيله
من فجوة الجاري صباح أمس مصدوم = ركب على ظهري حمولاً ثقيله
يومين يطويني عجز ما اقدر أقوم = مال البشر غير الولي يشتكي له
وانأ من أعباده معي صبر ملهوم = واله اتقبل واعبده والتجي له
ننعاك يا محمد فتى نجل شغموم = وانعا معك حمدان نادر قبيله
عمه سرور أشعاره العز واقروم = شهرة خواله مدركين الجميله
أهل المروه واهل الراي واعزوم = ميزانها يرجح بحسنات كيله
والشيخ راشد جدهم يذبح الكوم = يكرم ماهو مثل العفون البخيله
الجار واقرابه على الزاد مزهوم = يومي لطرقي المساء في شليله
وابوي سيدي صاحب الطايله دوم = مجاذبه من كاسبين النفيله
أسلاف واشيوخٍ لها ذكر ووسوم = كلاً أتى بالطيبه من حصيله
واعليت يا محمد لكم مجد وارسوم = لك في ظميري منزله والك زيله
ماضيك في بالي طواريك بالنوم = ذكراك يوم ابيك طفل اتحبيله
تحضا بشعبيه يجي شايبك غوم = واللي بحاله مثلنا عز تيله
عبرت في شبل المثل بدع مرسوم = بسمك وحمدان النبط يستويله
والشعر في شخصيتك قيل منظوم = من نسل فارس واسرتك تنتمي له
امظيبري ما بك رديين وارخوم = عنتر ولد شداد من ساس جيله
رمز المظفر مابه أجناس من بوم = لو كنت في عصره نصبكم وكيله
رقاك ظابط مع سراياه مظموم = كوكب ضنا رؤوس الرجال الدليله
عبسي تياريخك فخر بطل محشوم = مذهب ودب راع الطموح النبيله
وافي خصايل وانت حلياه بخشوم = جدك لاموحه معك ياحب نيله
وابوك شامخ واسمع الصدق مختوم = صحبه تزوره بالسلام اتعنيله
مقر ديوانه بالاجواد مزحوم = ريس بقريه ما يدور بديله
شجرة شيم بيضاء اياديه واهدوم = وجه السخى يفداه جوج الرزيله
هداج تيماء ضوه الفجر مشعوم = يطير مع ريح الهوى عطر هيله
للبن اهل سوقه وله نرفع السوم = هداج يسقي عين ما هو ثميله
بيته مظيف ابخارطة نجد بحزوم = نجره عصر للجار يوحى صهيله
ابن ابدوي يوم الوغى ينطح القوم = عقيد ربعه ينطح المستحيله
ما عد به شينه ولا عال بهجوم = من عال في شره جبل جاك ميله
فكاك نوقه باللقاء سيف مسموم = اخيار من فريس قوم الصميله
من دون واجب ياخذ الثار بسهوم = شجاع يوري من وطاء أحماه ويله
عوين اله ساعد يده معه مدعوم = يا حي فال الصيرمي مع مثيله
أخيه ذيخان السعد مثله إيزوم = باسل اليا بار العميل أبعميله
يروي رماحه في عداء الضد بخصوم = عضيد اخو بياء طريقة وسيله
على يمينه ما عنه سر مكتوم = لاخوه ريفه شكل غيث المخيله
حمو أبان أفياض والنخيل برجوم = على حصن عنتر وبنت الكحيله
أسباع تسري تعرف الجدي وانجوم = مظابره بالكون ماهي ذليله
ترد الخطر قد قاومت باشة الروم = بسلاح شلف او بندقية فتيله
حنا العرب وامة محمد هل الصوم = قدوه لنا حاكم بدوله عديله
سلمان في عهده ما حد بات مظلوم = على القيم مع شرع مله فضيله
من سته املوكن إلى السابع اليوم = حفظ أمن في حكم السعودي كفيله
ترقد مناطق مملكه منك بنعوم = ستر البني امنقضات الجديله
حرس ملك شامل وطن بمن محكوم = زعامتن ما هي بديعة ضليله
توحيد مع راية ومن شذ مذموم = يسلم لها اللي بالثقل يرتكيله
في قوته صدة طمع فكر منجوم = منك العدى مصيرها بالفشيله
ترضخ لكم واتسلم الامر تسلوم = ويتوب من في سيته تلتويله
قائد علم تقهر طغى أحزاب بهجوم = وانت القيادي جيشك إيشد حيله
طوق حدودك والعدو منك مهزوم = من راد بالفتنه تفكون حيله
أبن الأمام الفيصلي ذخر زيزوم = ولد أبن صقر الجزيره وجيله
سيد البلد في طاعة الله مخدوم = درعه هل العوجاء يديكم طويله
عن دار اخو نوره ياكم نمرمخزوم = يخضع لامر عاهل وعسكر فصيله
عن دار اخو نوره ياكم نمرمخزوم = يخضع لامر عاهل وعسكر فصيله






رد مع اقتباس
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 01:19 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد