إضافة رد
 
أدوات الموضوع انواع عرض الموضوع
قديم 03-04-2016, 01:48 AM   رقم المشاركة : 1
مدير عام
مميز





موسى ابن سرور غير متواجد حالياً


افتراضي قصيدة نفدي مليك الشعب رقم (79) من عدد 154 بيت من الشعر

[CENTER]شعرية ردة فعل الدفاعيه عن حق والد الشاعر وذلك القصيده مهداه على أصحابها الحكام أهل العدالة وعلى رأسهم الملك عبد الله المفدى وسمو الأمير النائب الثاني نائف بن عبد العزيز آل سعود وزير الداخلية حفظهم الله جميعاً ورعاهم للشعب السعودي والوطن هكذا و القصيده رقم (79) من عدد 154 بيت من الشعر المعبرة عن نفسها قالها الشيخ الشاعر موسى بن سرور بن بزاع المظيبري العبسي راعي بلــدة الناصفه فــي أبان الأحمر بمنطقة القصيم لحيث قـال: في : 6/5/1432هـ
[IMG]

نقرتين لعرض الصورة في صفحة مستقلة
[/IMG]

مخشا يغير الله وامسبحله=مع طاعة أمام الوطن غير مطريت
اللي علم ذكر الولي رايتله=راية علم ست أزعماء أملوك عديت
زبن الدخيل أبن الملك واخوتله=أعيال أبوتركي تفرح الياجيت
أبناء الخيار الفيصلي فدوتله=حالي ومالي فدوته ما تغبيت
نفداء مليك الشعب واحكومتله=صاحب سمو اليا ومر قلت لبيت
شهير رمز أبلاد في حكمتله=شقيق أخو عبدالله أحصان حبيت
حبيب شعبه منه في راحتله=في دار شيخ أمشبب الضيف للفيت
لشعب نائف بالعطاء باسطله=ليتام تنفق في ردن ثوبك اوميت
حاكم ربيع الشعب في ديرتله=رغد رخأ يا شعب فيه أستحضيت
بحماء الله أبلاده وبحمايتله=تامن وترقد في بلاده اليامسيت
وهو الذي معروف في هيبتله=أمير لشعوبك من أخطار فكيت
كم من عدون داقمن شوكتله=وقيت عنا نار الأشرار طفيت
تسلم لشعبك يا فخر دولتله=قبلة رسول الها خادمتو حرم بيت
مكه وطيبا مع حرم مسجد له=برض الوحي في عزها قمت ووفيت
الها ذخر يا محتمي واجبله=حارستها بسلاح الايمان قويت
بلد لابوك أو مركز أقيادتله=من دونها بجنود آل سعود ضديت
درع الوطن من عقب باني لوله=موطن شرف حبه كما شعبك أغليت
معطيه منك أخلاص متعهدله=أمير في كل المهمات كفيت
شرواء الجمل حمل البلد باركله=حيلك جمل شلت الثقل ما تثنيت
أمير قوة سيطره سلطتله=وسط البلد آمن وبقصاه حاميت
نائب زعيماً تعتمد كلمتله=على إيمنه في عالي الشور بتيت
عضيد عاهل عون مع رؤيتله=لا قلت في عسر القضايا بها أنهيت
ولد معزي بالعلا بيرقله=سيدي طويل العمر بالأسم نبيت
نائف كبير المرتبه منصبله= رجل الشهامه لاوصلته تذريت
حراً مجاذب مرحمه ماكرله=ميزان لا منك عن الحق لفيت
أسهيل نائف لنعقد حبل فله=وزير تاج الداخليه اليا أغويت
سيفٍ معرب بالحكم ظاريله=باحكام عدله يلحقك لو تخفيته
من مجد حفظ الحق سيرة هلله=بحقوق شعبه نائف أبحرصك أرضيت
ريف المواطن لستلم جابتله=ياتيك بالتحقيق عاجل اليا أخطيت
من كان مخطي نزلو رتبتله=وانته اليا فتشبك البحث ذليت
يلقاء عليك أبداخل البطن عله=أمراض وانصابة عفيين ضريت
عمل فضيح أنشافه أمعزبله=خلعك من عهدة هل الشرع شديت
بكره رحيلك حتم متوقعله=طلعت شروق الشمس بدري الياضحيت
تخفر مكلبش للقضا قادمله=لو تعلن التوبه وبالذنب قريت
عد للصواب أستغفر الليل كله=ودخل على الله سولفو فيك ووحيت
قالو وقالو ضايعه ذمتله=من رفقة أوجيه القبيحه تدهويت
وانا لاغاتي فسح وأموضحله=ويذاء صحيح اللي يقولون واليت
واكد خطابي شعر متحدثله=معه ومع كل المناعير مخطيت
مغرور صار المنحرف دافعله= فاسد عقيده مع عداء قوم عاديت
فاجيت موسى بالضرر غايرله=تركض مع أطيور الفلس ما تدريت
ترثع مع اللي صورتك صيفتله=ما جبت لا طوله ولا فود ضويت
طائر تليت الهيس مع ساقتله=سبق السراب أبحفرة السو زليت
سوابقك بالنقص متعودله=من فزعتك مع ذيك الأشكال شكيت
من دخلك وأنا أبلدي راعيله=أصلح عربها وانت بالصف شقيت
حنا أعقلا والكود حنا نحله=ولا أنت ما عمرك مع الخلق ساويت
وابعد وختم أميراً أعطاك خله=نايم بحزت واجباتك تناسيت
والله ما ذكر من نطق شاكرله=واشير في ماقيل فيك استحقيت
شغلة هزيل الحسحسه مهنتله=فعل الحسن لا شي الك فيه سويت
كم من سنه واعوام واشهر واهله=أقشر مطاولني وانا ما ترديت
وأفهم جواب الصدق من مصدرله=مابك رجوله عنك الأخبار قصيت
تلعب قمار التفرقه منذرله=ليتك وليتك مع عذاراء تغطيت
مسحور من بعض النسى دافنله=رمن حياتك يوم معهن تغديت
من خشرهن قبر الفنا قاربله=مالك سلامه لو عن السحر هجيت
صيدة حريم اللي تبيع الأخله=ما ينفعك طب البشر لو تداويت
عزي لمن مثلك دمر حشمتله=ما ترحم الشائب على البطل ضليت
مسفوه يبغا والدي يستغله=من دون أبوي أنا عصيته وعييت
وده يحرف حجته يستحله=ياشين نفسه يالشيوخ العناتيت
لاكن دفاعي بالزمن حاضرله=على يد الحاكم علومي تثابيت
والله لاخصمه لومعه حزب شله=حلفت بيماني تزهلت ووليت
مونس وانا خيال رمحي نسله=لطام للغازي عن أحماي رديت
لابد ضدي بالعطب واصلله=عن قريه اللي في شجرها تسليت
مكان أبوي الناصفه بلدتله=ريحة هواها عذب بعصير شميت
ما بعتها والصعب متحملله=عشيقتي والها الصراحه تحلويت
منها وعنها الغدر متنبهله=لجل قيمها بالمشاريف عديت
عن سرق طامع دونها عارضله=عنوان ليه لو تباء دمي أهديت
راع الخطأ رعديد ضله يذله=لا خير في جمع الضلاله شحم زيت
مافيهم اللي يصنع الراي لله=واللي كذا ماقط فيهم تعزويت
سيبتهم بلغت صحف المجله=مالي علاقه عن شبكّهم تخليت
من مذهبي جنبت طيب جبله=سقت المطايا عن قراهم تعديت
هذا وعذري للنجوم المطله=من جملة الناس الرديه تبريت
شاني لحال اوسمعتي مستقله=واصدرت قانوني يالاعزاز وامضيت
عبسي وعنتر من عرب ربعتله=دليل ذلك من تاريخ أستمديت
من ترثت اللي ما وراه الريسله=طاريه عنتر عطر عبرت وابديت
زيزوم فارس من هلي لابتله=وسمه على نوقي مظفر تبنيت
سلالته نبني على ماضيله=مع عصر أثار أمخلد المجد بنيت
أمظيبري من عنترة ورثتله=من سابع أجدودي منه واله ضحيت
شداد وابنه ننتمي لسرتله=من نمنمت هرج الرخم مستهزيت
هيط الهبود أترك سبيله وخله=واركب معي بالرحله اللي توريت
والطيب بهله ما غداء باقيله=وخذت قسمي من هله واستقريت
واللي قعد ما فاد من مقعد له=فاته قطاري شافني فيه مريت
شيخاً على عادات مستقبلله=واخلاف خطوة مرشد الشعب مديت
وراء القيادي ماسكن منهجله=قدوة بلد كوكب معه سرت خاويت
مقدام شعبه وصله رادتله=في مدرسة عبد الله الأبو دشيت
درست منه الأدب متعلمله=في زود بحر العلم في دلوي أدليت
أهل الجزيره جارنا عزتله=في ما يسره ماعنه شي بقيت
وانشد قصير أبيوتنا واحمدالله=ماشنت في جاري ولأ أبورعه أبكيت
طول الدهر مازلت متواضعله=على تقاليد أهلي أبطبعي أرسيت
جاري وضيفي من سخاء معطيله=لاتاء المسير بالتراحيب حييت
يرتاح بالي في لقاء ساعتله=اليا نصاء بيتي مشاكيل فزيت
بالجود رجلاً ما حسب تجرتله=ياكم بنجري للموالين دنيت
من جاء لنا الهيل الخضرشيمتله=مفتوح له بابي ولا عنه صكيت
ديوان جلسة شاذليه و دله=على حطب ناراً للأشبال شبيت
للي يجيني ينشرح خاطرله=قهوة اليمن له بالفناجيل صبيت
في بيت نشمي واسعاً مجلسله=هداج وابشر بالرواء كل مظميت
ماني بخيلاً حازمن خزنتله=والرابح اللي صدقته تاصل الميت
طلق الحجاج أموفقه نيتله=اليا عطاني خالقي رزق حطيت
أسلافنا بالجار ندرك رضله=حق أحترامه ياملا مستغريت
واللي يخرب شهرته واسفله=وانا مع الدرب الرشيد أستدليت
والنور قدمي والسنع مقبلله=في بلدتي عقيد أهلها تسميت
ذيباً محنك والرئاسي ندله=ماني ولد خبلاً أولاني ظناهيت
شاطر خبير أبدقلها والأجله=على الطغاء فوزي تغلبت وارهيت
من محترمني مع طريقي نزله=من صد أنا مثله خصرته وصديت
بسمة جبينه ما تحل الشكله=يا ليت كلمني على الصدق ياليت
كلاً بها الدنيا الوذا حاصلله=عصبت راسي بالعمامه ومليت
ما يسلم أحدن من حسد مرقبله=واسمع نغهم صامداً مستجنيت
صبري معي واكملت نظمي نهله=كم غيض في صدري كضمته وخفيت
والشامخ اغلي مستوى عشرتله=وأبادله شكري مثل شكره أعطيت
وأبو الخطط والخدع ماني عشله=حياة رباً يخرج الحي من ميت
ندعيه والمسلم خضع ساجدله=اللي رفع سبعاً وضع تحتهن بيت
من دون لمس أحقوقنا واقفله=حسبي على الظالم على الله تشكويت
ربي يزيله يصرفه عن محله=يارب ترفع دعوتي صوبك أصغيت
مؤمن وميقن والنبي تابعله=بالعروه الوثقى مع اسمك ترقيت
سلط على الدجال وامساعدله=تحت سماء عرشك بنصرك ترجيت
صب بالقدر بالويل بائق وصله=لاني بعرض أحوال الأجواد دقيت
عزالله أني شايفاً فيه خله=بمراجعاته كل مقبلت وانحيت
يمكر بنا والصيرمي صاحيله=يا كثر غلطاته بعيني تحليت
الأوله واربع بقيد السجله=لو جابلي عذراً منه يمكن أغضيت
مير أتخذ بالكذب رغبة هوله=فجر وانا حظي رقى واستعزيت
سود النوايا في هواجس حشله=طاح أبيدي خالع مدير السرابيت
عميل معهم تبع لاقيمتله=الآمر الأول شتمته وسبيت
شريك مارد تنقش جرتله=عند الفهود اللي معاهم تقهويت
غشيش معه أبليس وامرافقله=رجمت شيطانه وبالله سميت
مع زمرته ما عاد أنا سامحله=لحيث سلمته تحاذير وابليت
بمعاملاتي كاشفه فاطنله=وش قصدهم منهم حقيقه توذيت
يزعم بدرقه ماحدن داريله=عن غاية أطماعه طرته وحديت
واقفاء رجع في حزن باله وغله=مكسور طشيته مع أجبال واقفيت
أوميتبه حتى لعن حالتله=في كل سّيه من خاطاياه جازيت
ذاق العقائب من سبب صحبتله=مدفوع يمي ثم أناله تصديت
هلشت طاري حلم متخيلله=للمعجزه تنطح عزومي تلقيت
خيبت فاله في فشل حيلتله=على سنام الطيب جالس تساويت
جابه بحلقي مبغضن حابلله=من قبل أنا قدمت له نصح وازريت
كنه يعرف العلم قلي وقله=يالمفتي الأعلى مع الحق وصيت
نفذ عليه العدل يا قاضيله=والبدر فوق المملكه كلها ليت
أشهد عليه تراء ماهي خيرتله=أعرض وقلت أعمل على الخير حثيت
يزعل ماهو همي ماني عابدله=يطق في راسه صخر رجم حليت
أرضاه يظرب بالحجر جبهتله=مبعث وانا من دون حقي تثاريت
ماله نصير السرسري واعيله=من حين صوبي يا برق الريش هديت
وانفض جناحك مع رمم حارتله=لو تقرب أحدودي على الطرق سديت
تقصر سبوقك حدها غابتله=دون السلاطين أخوتي مستحليت
أعقاب قدمه يقهره جاهز له=أماء هزمتك أو علينا توليت
مخلف ولالك مع هل الدين مله=ما انته بتوجيه الميامين حظيت
رزيل شفته من قدم شاكيله=بدت حقه بالمواعيد وأبطيت
عليك عندي ما يدينك وادله=من يوم فينا يدويني تهقويت
عوق الفسوق الشعوثي عارفله=وشلون ترسلي اوشلون ما جيت
تدري وأنا أدري عن هدف حملتله=جتني ودوك أعلومها فيك خصيت
قصه قراء فيها دراء حاكمله=وثقتها باعلام نشرة هل الصيت
وين التزامك مع وفي قايلله=روغتبه يحصيني الناس غريت
نقضت باللي كلفك موعدله=ماذا الخلل فيكم علامك تحديت
تزجر وانا ما قلت ينذل زله=يا سبو نذلاً مع هل العيب شذيت
مع لاش نجس الفار زيك حلله=مكروه لا شافوك الأشراف هبيت
خيون ليسا كفو بمانتله=يقطعك ياللي بالوفاء دوم منويت
ماخفت رباً بالغه قدرتله=مع ثور خاليته ومع قرم صجيت
نظيرك اللي صادقك حالفله=غواك بومه كل ما جيك واويت
كبيت قول أبو العدل ووزارله=ووداعت العادل بها مستهميت
وصية اللي جعلنا فدوتله=حالي ومالي فدوته ما تغبيت






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 08:33 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد