إضافة رد
 
أدوات الموضوع انواع عرض الموضوع
قديم 10-18-2012, 08:24 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 71- قصيدة حفل زواج ابن الشيخ مهيدل بن نويصر

بسم الله الرحمن الرحيم
نقرتين لعرض الصورة في صفحة مستقلة
(الشيخ مهيدل بن هدمل بن نويصر بن سعدون المظيبري)
راعي النصرية


في 1/10/1433هـ
قصيدة ترحيبية المعبرة في حفل زواج المكرم صالح ولد الشيخ مهيدل بن هدمل بن نويصر بن سعدون المظيبري راعي الناصرية وفقه الله هكذا والشعريه مهداه على مهيدل أبو يوسف لحيث الشيخ الشاعر موسى بن سرور بن بزاع ابن بدوي المظيبري راعي الناصفة في أبان الأحمر بمنطقة القصيم قال هذه القصيدة رقم 71 من عدد 58 بيت من الشعر لحيث قال


[frame="11 98"]

مرحبا في حفل قرمن دعاني بالحضور= دعوته عندي ثمينه وانا لبيتها
طعت لامره وان تعذرت ماني بمعذور= فرصتي حانت وزين اللحون أبديتها
بسم ابن زحزيح جبت المثايل من بحور= تهنيه بالعيد وامناسبه خصيتها
بابو يوسف نعم يستاهل الشبل الجسور= ساحة النظم الك يا مسندي طبيتها
في رضا ريف المجاور زما شعري يفور= وادفعه في بطل نفسه عساي أرضيتها
رجل تامن في جنابه ولد ثوبه طهور= من فخر ترثت رجالن يسرك صيتها
حنبلي من عرض من صام واعجل بالفطور= نصف قرن أعوام ما فيه ناس اوذيتها
شيخ شامخ في مجاله وانا موسى سرور= مذهبه والسنه اللي عبد سنيتها
عاصمه ربي عن العيب والقول الفجور= والمناقيد المشينه عنك زكيتها
لك حقوقاً من قديمه علينا من شهور= والخلاف أمن الزمن عاقني والغيتها
بارك الله في زفافن جمعنا مع صقور= والجميله للمشبب عليه أهديتها
في رموز أهل الشهامه بداء فكري يدور= للفهود أعلنت والها الخبر وديتها
ما علينا من حسود المنافق ما يثور= نيتي بيضاء لوجه السفير أنويتها
ما نريد الزور والظلم يدفن بالقبور= والبخيل العفن يمناي عنه أرخيتها
لو ملك كثر الملايين في عمياء دبور= عيشتي والنفس عن مال لاش أغنيتها
مؤمنن بالله رازق عباده والطيور= بالبحر والبر خلقه برزق إيقيتها
حالة الدنيا تقلب تباء درعاً صبور= عشرة الشيخان لو موتوها أحييتها
قمت أجددها مؤارخ صحافي بالنشور= والنشاما في علوم الشرف عميتها
ما تضيع أشعار عنتر على طول الدهور= ورث لاسره دمها من هلي ظميتها
حافضين أداب أهلنا حلفنا بالنذور= عهد أمانه مع شيوخاً حلوف أبقيتها
خذ من القائل تسمع مساء الليله فخور= عقب كيف القهوه اللي لنا صبيتها
من فوارس عبس منته عن الطيب أمغرور= والعقلاقه وضع جيد معي مديتها
جبتها بخطاك زيزوم تمشي بالعبور= حيث وصل اكتاب واخطابها حييتها
لن مصدرها بعيد الهقاوي ما يبور= قوتي واسراب خيلي وراك أحفيتها
في لهيب القيض منشان وافين الشبور= ما رقدت النوم لين استوت وانهيتها
بالسعد قامت وابشرك بالمعنا بهور= وانظر انظر من جواهر ذهب صفيتها
ناصل اللي مثل شرواك ناتيله نزور= رحلتي لجل احترامي لكم عنيتها
في زواج أبنك نشارك فرح بهجة صدور= والقريحه في معزب عريب القيتها
ما ذخرنا عنك ياحر في عالي وكور= جيتك قدرتها والذمم بريتها
يا مهيدل يا بن عمي نقلت الك الشعور= يا عقيد القريه أم الشيم لاجيتها
التهي عندك على الجود والثاني باخور= شهرتك فوق النجوم العلا حطيتها
نلت تاج المجد عنوان لطوله غيور= الرجوله وانت عمرك صغير أعليتها
والبلد بالناصريه على ساس أمعمور= والقصور اللي تهلي بضيف أنشيتها
من يشكك في كلامي يجي داره مرور= سيد راع البلده اللي بها مريتها
تدرك الحسنات والكم مع العلياء ظهور= ربعتك مع نهج طبع النبي وصيتها
حالماً عنكم عمل خير يا شيخ الشكور= سيرتك في ديرتك خير منك أعطيتها
تنصح الجاهل ثوابه تدله باب نور= بالوفاء لك دور بارز صفه حبيتها
تصلح الاشكال بالناس في صعب الأمور= للمشاكل مثل قاضي عدل سويتها
من جهودك يا بليهان بالكائد تثور= لا تقلط القضايا فرج حليتها
حي فالك ذخر يا جعل للطيب بذور= لنعقل حبل الرشا لابتك عزيتها
يا صبياً يلتجابك عن الجور القهور= مظبري ستر ثياب القصير أضفيتها
فيك من نوع الشجاعه وصاحب راي شور= من عوارف رؤوس قومي خليفة ميتها
تضرب الغازي بشلفاء تصيبه بالنحور= حامية ضلع الحمر بقع موطن بيتها
يوم وقت الكون والضد بالنار أمحشور= خالي اللي وقفته دون أبان اوحيتها
ناطح القالات ماضي فعايل وأمخبور= ذيب فيه أفضل مشاعر سبق غنيتها
يستحق المدح جعله عسى الذنب امغفور= داعيله في عشر حجةً حجيتها
قد طرد عن طوقاً أخضر بساتين أوزهور= واحرز العدوان هابة منك جليتها
غادرة من ذعر والخوف فيها والكسور= والرقاب العوج عن مدهلك ذليتها
صبتهم بسهوم منصور في ذيك العصور= جبهة العائل مع أول هدف حنيتها
منك واخون يرفع الراس يرمي بالشرور= ظنوة النوماس مع جرتك قصيتها
غار مع جانبك وأسقط مدير القوم فور= طاح بين أخوين من خطةً عديتها
شاهدلك شرقي الحيد محافك قصور= وانت بوابة دخول النخله فكيتها
من عصابه لا تولا على عذب النهور= عن مشارب در أبان الطمع صديتها
ذت عنها صح يا منبع السيف الجزور= قاد صحبه واستقامت بأبان أطريتها
يوم شد الوايلي وابعد الحوله حدور= الجمايل من زعيم أعنزي محصيتها
سلم العهده بابانات خيلاٍ بتور= لبدوي بعده بابانات ولع ليتها
من بواسل بيت مجناه من شجرة عطور= عزوتي وافروع ربعي جميع أغليتها
من عرب وأمة محمد لها شافع برور= واختتمها في صلاتي عليه أديتها







رد مع اقتباس
قديم 01-05-2013, 07:58 AM   رقم المشاركة : 2
عضو جديد
مميز





ا لو ا في غير متواجد حالياً


افتراضي

اشكر الشاعر موسى سرور راعي بلدت الناصفه في ابا ن ا؛لأحمر ولاهو غريب منه مثل ذلك تحياتي للجميع







رد مع اقتباس
قديم 06-22-2013, 02:39 PM   رقم المشاركة : 3
عضو مميز
مميز





الاسيمر غير متواجد حالياً


افتراضي

صح السانك القصيه جزله بارك الله فيك







التوقيع :
وطن لانحميه لانستحق العيش فيه

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 07:57 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد