العودة   منتدى الشاعر موسى بن سرور > ๑۞๑ المـنـتـديـات الـخـاصـة بـالشاعر ๑۞๑ > ¨™ قصائد الشاعر موسى بن سرور ™¨

إضافة رد
 
أدوات الموضوع انواع عرض الموضوع
قديم 06-05-2010, 01:38 AM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 63 - قصيده في مدير إدارة التعليم بمحافظة الرس ومهداه على الشيخ محمد بن صالح الغفيلي




الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة




قصيدة رقم (63) من عدد (33) بيت شعر التاريخ :1/6/1418هـ
هذي القصيده في مدير إدارة التعليم بمحافظة الرس ومهداه على الشيخ محمد بن صالح الغفيلي المدير السابق لحيث سعا وتجول في قرى أبانات وبذل جهود لأهالي أبانات في فتح أول ثانوية بضليع رشيد فهو مشكوراً بذلك وبعد قال الشاعر موسى بن سرور بزاع المظيبري هذي القصيده الشعريه التي تعبر عن نفسها وقد استلمها من الشاعر حيث قال :



تقبل تحياتي مع الشكر والتقدير=لأبو صالح المشهور لحضوره القيها
مديراً عرف بخلاص ما قيل به تقصير=رعى احقوقنا يسلم بيمناه يديها
سلامي على شرواه وامورده تصدير=على محترم مني جوابات نعطيها
نجي لازم إنسلم على حضرة المدير=وسلم رسالتنا العريبين نهديها
نزوره على موتر يفوت القطاء والطير=مسافة طريق الرس بشوي يطويها
عليه انتوجه يم شيخ الرجال انسير=نجيله ومكتوب الرسايل نوديها
رساله مسجلها بزين الكلام أمشير=بيوتاً ثمينه بالعوارف إمزكيها
عن العيب والمنقود فكري معاها إيدير=ضمنها مهندس شعر وأعلن معانيها
يخط القلم والحبر من ريشته تقطير=بيدي خطيره قطرت الحبر نقضيها
بمدح الرجال اللي لهم قدر بالضمير=نحب الأكارم للأفوني نحييها
نقدم لها ترحيب والبن والتبهير=ويرتاح بالي حين أصافح يمانيها
دليل الحقيقه ماطلع من حكم تظهير=مثائل تشوق اللي تهجا قوافيها
دعيت النشيد اوفاح جوفي بحر غزير=تلاطم كما موج البحر في شواطيها
نصوغ المثل وانصب قاف النظم تصخير=تماثيل بسم ابن المناعير نبديها
تواجد على صدري قصيد الشرف تحضير=معاني جزيله بالشغاميم ناقيها
تطرقت فيها اهل الشيم واشرح التعبير=قدايم عوادينا هل الطيب نغليها
خصوص المدير اللي جهوده تجيب الخير=سعى ثم راحة كل طلاب راعيها
رموز الشيوخ أمطهرت نفسها تطهير=عن أشياء الخطأ والكذب ربي مبريها
فتح كم مدارس من قلم صاحب التقرير=من اخطاب وافي كلمة الحق يطريها
ثانوية الضلع ابتداء درسها تنوير=لك الشكر من طلاب واربوع أهاليها
على مارفعت أمن الخطابات للوزير=مؤقر خطاباتك فضيله مساعيها
نقدر مقامك وانت مبطيت بالتوخير=عقب جولتك جتنا بشاير طواريها
مديراً حماه الله عن الميل والتزوير=تظن العداله في مضيره مواريها
مدير السعد والمعرفه ريف للقصير=سلايل صقور المجد ماكر مجانيها
يقوله صدوق اللي يذيع الخبر تنشير=علوم العرب واخبار الاعزاز نوحيها
أبو صالح اللي نعم فيه البقى كثير=ضبط وضع إدارة وهو مسئول قاضيها
مدير الوفاء شامخ بحفظ النظام إيصير=بامانة حكومه والمشاكل يسويها
مكرم عمل للدائره باحسن التدبير=ولا تهون كتابه بطيبه مضريها
محمد أديب اللي براسه فخر تفكير=مظفر ورايه صعب الاوضاع ينهيها
مديراً على التعليم في منصبه كبير=بفرع الوزاره حي منهو عمل فيها
وزارة معارف عز تلميذ نور أصغير=رقاء العلم واسع في مناطق ضواحيها
شمل من قيادتنا الحكيمه ملك وأمير=تعاليمها نهج النبوه مباديها
مشت بتقدم مع مسير الرسول اتسير=نبياً عليه أفضل صلاةٍ نصليها






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 03:29 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد