إضافة رد
 
أدوات الموضوع انواع عرض الموضوع
قديم 06-01-2010, 08:29 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 53 - قصيده مهداء إلى شاعر المملكة العميد خلف بن هذال العتيبي

نقرتين لعرض الصورة في صفحة مستقلة
الملك عبد العزيز ( رحمة الله عليه )

نقرتين لعرض الصورة في صفحة مستقلة


عدل هذا الذي بابه بشرع الله ماهو مصكوك=حكم نجد استعاد الملك في شوال جايبها
دخلها بالرياض اوطاح ضده باللقاء مدهوك=ضرب ضده بشلفاء داخله بعداه معطبها
نهار الفتح بالدوله عدو إيمانها ممسوك=ولاه الصقر أبو تركي بطل صفاء مشاربها
لزمها في يده ويدين طامع دونها مفروك=مثيرين الشغب في غارة التحرير غيبها
وحنا في رخاء ندعيلك اللي عاصمك واهدوك=بجنة خلد نزل أبلال مذن في صحايبها
مقامك بالسعد مشهود يومن الوطن ينخوك=أتيتو بالجزيره وانت ليمتو شعايبها
موحد مملكه مسقاط راسك واخوتك وابوك=هجدها سبع ساري باخر أتلا ليل طيبها
هداها وامرحت مسرور شعبك ناصرك طاعوك=رجال أجمال عون أبطال نطاحة نوايبها
رفع راية لواء الإسلام قاضي عدل ما يخفوك=وزال الشر في مغزاه حين الدار حل أبها
طرد منها العداء بجهاد رد العاصمه لملوك=وصارت في أمان الناس نامت في جوانبها
جمع شمل الوطن والشعب والمشرك وقع مسحوك=وشع النور في بقع الرسول الشعب عاش ابها
نزلها وأصبحت في خير منهج فيصلي مسلوك=مع التقوى وملة سيد الأبشار موهبها
ملك مؤمن وفي الكيل كل أشعوبكم حبوك=عرف بالحسن والأخلاص بالمشرق ومغربها
ملك أبو الشيم للشعب شعبك واسرتك سموك=عزم كل القبايل شيخها أمعزي معزبها
جلاله جاد عشاهم بقصر المصمك المفكوك=سمان الحيل والقعدان لشعوبه مشببها
ملك من شجرة آل سعود جوّاد أطعمك وغنوك=وصلت الرحم والخطّار دسمتو شواربها
رضت فيك الحجاز اونجد واشروره واهل تبوك=وصلت خمسها وياه حل الله نشايبها
مشايخها عطت ميثاق كل اشيوخها والوك=مناطق بايعوه اشيوخ ميته وقادبها
سعودي نعم أخو نوره ولد بيت أعربي قروك=على الخلق الحميده درس الأجيال وادبها
وصب الهم شكالة بن قهواهم وهو قهووك=بكل أنحا البلد لامر حيتبه مناصبها
ترحب في ولي الأمر أهل المنطقه وافوك=عموم الشعب حب أمام قدوه من أقاربها
كريم الوجه طلق أحجاج وصف الحاتمي حلوك=شهامه والعداله بعدكم بالدار نايبها
تعاقبها ملوك أبناك كلاً مثلوك أحيوك=أفاضل بالبلاد أبناك نابة عقب غايبها
ملك وسمك معه في كل صفحه بالوطن ضافوك=قيادي بالوطن والناس يصلح في طلايبها
مثل عدلك بكل أسلوب عادل بالنظام أرضوك=عيالك تنصر المظلوم لاجاها ولاذبها
معلمهم بقطع الحق من كتب النبي أفتوك=وسدو بالوداعه عنك وانت الأبو جاذبها
ملك أسعود والفيصل وخالد والفهد ماشوك=كذا الدنيا تزعلنا وتورينا عجايبها
عيالك بالمحارم نفع في وسع الحرم كفوك=بربع المال للبيتين توسعةٍ نشيدابها
بمكه سبلكم مازال جاري واسرتك زادوك=بطيباء بالمدينه لك خلافة أبن ثايبها
حرسها في أمان الله وقسم حلف ماغروك=جموع أمخالفين الدين عن مدنك يحاربها
فداء دون العقيده معه شعبه يدعمه سروك=نقاوم زمرة الطاغين دون العرض نضربها
برؤية وارث الأمجاد حاكم نتبعه نابوك=عيون القوم يملاها والأخرى العين يكربها
وهاذي جابتي عبرت وصدر حكمكم وأصكوك=على دعواي واحكامك نزيهه في تجاربها
زميلك يا بحر شاطئ غميق الناس ما خضوك=تخوفها بحر وأمواج صفقاتك تهيبها
وأنا جيتك ومعي الوصل عابر مع بحر بفلوك=على رحله عسى يابحر ما تغرق مراكبها
وأختمها بذكر اللي معه نفس البشر مملوك=عليم الغيب والساعه على علمه يحيط أبها





تستطيع أن ترى الصورة بحجمها الطبيعي بعد الضغط عليهاتستطيع أن ترى الصورة بحجمها الطبيعي بعد الضغط عليهاتستطيع أن ترى الصورة بحجمها الطبيعي بعد الضغط عليها

الشاعر اللواء خلف بن هذال العتيبي
ملاحظه ( صوره حديثه جدا للشاعر بعد ماقيلت القصيده بفتره لكي لايحصل لبس بالرتب العسكرية )
نقرتين لعرض الصورة في صفحة مستقلة






الشاعر الشيخ موسى بن سرور بن بزاع بن بدوي المظيبري
تستطيع أن ترى الصورة بحجمها الطبيعي بعد الضغط عليهاتستطيع أن ترى الصورة بحجمها الطبيعي بعد الضغط عليها
الشيخ / الشاعر سرور بن بزاع أبوموسى - الشيخ / الشاعر موسى بن سرور



قصيدة رقم (53) من عدد (114) بيت شعر التاريخ : 11/7/1421هـ

هذه القصيده المهداه والموجه إلى شاعر المملكه العميد خلف بن هذال العتيبي لها قصه وحدث وحديث لقد كان الشاعر موسى عند ما بدأ بالشعر أول من شجعه هو الشاعر خلف لحيث قدم موسى من احد قصائده الشعريه على ولي العهد عبدالله في رياسة الحرس الوطني واحيلت القصيده على مكتب الشاعر خلف لإشرافه على القصيده وأطلع عليها وشجعها إلى الدرجه المنتازه واحيلت منه إلى مكتب صرف الشرهات من صندوق ولي العهد فسلمت مبلغ من المال مكافأه كثيره فعجبني تشجيع خلف وتشجيع المرحوم الملك فهد وتشجيع الأمير الشاعر خالد الفيصل . هكذا ما حصل سابقاً وبعد قلت هذه القصيده التي تعبر عن نفسها وهي مني مهداه إلى الشاعر خلف وهو في رتبة عميد قالها الشاعر موسى بن سرور بزاع بن حمدان بن بدوي المظيبري العبسي راعي بلدة الناصفه في ابان الأحمر بمنطقه القصيم حيث قال :


سلامي يم شاعر معتمد ما فيه ريب أشكوك =عدد وبل الحيا والبرق من ناوة سحائبها
بدايه من سلام اوبعد ذلك من ضميري دوك = هدية شاعراً جزل العطايا ما يشح ابها
معاني تشرح الخاطر من اللي يا خلف خصوك = رسالة من ذلوله مع هل النوماس يتعبها
منصيها خلف هذال شاعر مملكه واملوك =نشيده بالوطن واملوكنا الاخيار معجبها
على النقل المباشر بث شاعر محترف حطوك = تقدم بالحكومه جايز الأشعار تعربها
عميداً رتبته من فوق متنه قلت له مبروك = ثلاث النجوم مع تيجان من قائد كتايبها
من العاهل وعبدالله وسلطان الدفق رقوك = برفع الخدمه اللي بالشرف مشهور صاحبها
ومن صوب الأمانه أنت أول عسكري عدوك = لبست الرسمي البدله وقمت أبكل واجبها
باسل تستاهل التقدير تاطأ بالخطر والشوك = عن أحياض البلد تاطأ الحياياء مع عقاربها
تقف دون الوطن مع صف قوه والملك قادوك = تدافع مع علم توحيد لاشبّت حرايبها
حميت العهد يا مسطور ضو النار ما ذلوك = توجه قصف هجماتك على العدو ان ترهبها
بتوجيه الفهد رائد زعامه من وسام اعطوك = شعار الدوله اللي وسمها من سيف شايبها
شبل لاجت طوارئ حرب مع رئيس حرس صفوك = وأخذت الرأي من حلال قالات أو مصاعبها
حضرت المجتمع خدام أمير أبخطته وروك = على ردع العداء بسلاح ضباطه مدربها
شجاعاً تنطح الكائد وتعليم الحرس علوك= تخوض المعركه لا ثار دخان أولهايبها
تسير أقدام رجلك مع طريق النائب المبروك= ولي العهد كل أوامره زحزيح قاضبها
مسكها بالولاء قايم أبوك أو خال ما خلوك= جدودك مع وفاء عمك وأبوك أمك معربها
رجاجيل الفخر مجناك من رؤوس العرب جابوك= فوارس يوم عج الخيل ما وخذت حلايبها
تذود أو فعلكم ينشاف من بيت الظفر شافوك=تضدون الطمع برماح ما تبراء صوايبها
هل النخوه هل القهوه هلك في شربها ضروك=تقاليد العروبه دلة الشيخان شاربها
رجل من ماكر أعتيبه شوامخ بالسخا ناشوك=فليحين الوجيه الجود رمسه في مذاهبها
عزيز النفس ستر الجار عن عيب الدنس زكوك=هل العادات ستر الجار واحقوقه تراقبها
قصيرك يشكرك يا ديب واللي بالعمل خاووك=عساكر يا عميد الركن شيماتك دريت ابها
وأبوك المرشد الشغموم في طبع النقاء ربوك=وأنا نفسي عن المنقود أبوي احصان مدبها
عطاني توصيه يقول لا شفت الردي مروك=دروبه خلها واخطوط سيره لا تمر ابها
تشطر كب خطو اللاش دربه ياسعه متروك=يدق أبسمعتك ويقول تالي ما سعيت ابها
واليا منك نصحته زار صوته وزعجك صجوك=ظنا حرمه أهي والزوج مزعجته ومغضبها
مهونه خوته وان طعت شوره بالهلك طشوك=سلومه ما تسرك كان يبني ما دريت ابها
كحيلان التقي أربوع صحب الخيرين أبوك=وغير الصالحين أنهاك وقف لا تصاحبها
مجالسها فضايح جمع خالع منصرف غشوك=وشم عنهم في أرض الهدي وسجد في مناكبها
تنال الأجر والغفران عوّذ من رجيم اغووك=شياطين الملا وابليس بعض الناس يشعبها
ترى حزب الضلاله فسد كنه غيرك غروك=تقع في حفرة السيات ما تروح هبايبها
وقال أحذر ولا تنسى مبرة صادقاً وصوك=عن اطيور الفلس ترميك تندم من سبايبها
تجي صيدة رفيق الأمس اللي صافحك بكوك=فشيله رفقة الأنذال واخشى من عواقبها
مخاوف بالغه لا قيل مهفين الذمم دانوك=وجت بعلوم غير أمشجعه مع ذاك هذبها
بصحفه قام ينشرها مع اللي جاه واللي جوك=وانا رفضتها مع ريس التمييز كذبها
أكاذيب القبيح اللي على حسن اللحاء يبغوك=عصابة غل مبغض نجس يدخلكم مناشبها
فلا يقبل منه معذار من شافك معه هبوك=يقودك للمهافي ثور مايدرا عواقبها
مشعوث والمنافق خبث لو تقفي عنه لحقوك=صلاح المجتمع وافراد عائلتك يخربها
يحاول بالمضره لين ياصل في مرضه أعدوك=وطباء المختبر واسعاف بعلاجك تعذبها
وشف فكر بصحبك منهم اللي عاضدك صافوك=وريف الخل خله خلف مع ناسع ذوايبها
وسر بخطاك وقدم روح عسى حظكم يبروك=وعشرة شكل أبو وجهين بسبوعه يسيبها
تبعد وانتبه من ناس عندك مصلحه زاروك=واليا ضعفت مصالحها مثل روغة ثعالبها
تنحت ثم راحت عنك لوزت النداء موحوك=صديقك والكفيل المال خدماتك يقوم ابها
بعض ناسك قليل النفع حتى من عطش مزوك=بخيله تقهرك واتشوف بالدنيا تقلبها
يبوق الهيس لو يلقاك في قطع الخلا كبوك=ولا يأتيك غير اقروم تفزع مع صحايبها
قوي العزم ثابت درع واللي بالثقه ظنوك=هل البيضا طموحك حسب ضني ما تخيبها
تعزك بالمروه غيث لامن الدهر حدوك=تمدك في جميع أجهودها لاجيت مطلبها
إليا منك نصيت الشيخ شيال الثقل عانوك=يقوم ابجانبك واظروف حالاتك يحسبها
وقال أسمع وناظرني اليا من العنيد أوذوك=تراء كل الأمور العاقل الفاهم يحسبها
يصير الرجل صاحي ذئب واعي والجهل مغدوك=يقابل بفضل الحجه وطيب أرياه يضربها
نصيحة والدك ما ضاع فكره بالسنع دلوك= تقبلها وسق بالطيب وشينه تجنبها
وأنا الأبن الحريص أتقول جارك لا يضام أخوك=نصائح تحتفظ فيها العوارف ما نسيبها
وزين القاف صبيته كما طقم الذهب مسبوك=بحضرة منبع الشجعان زي اللول كاتبها
قوافي من قلم عالم ضمنها بالمثل وصلوك=مهندس بدع وذهانه عن الميله تدور ابها
ثمينه في خلف لاجيت بيته قدرك عزوك=يهلي حي فاله فيك والطوله يفوز ابها
مكرم محترم يفداه كل أهل الرداء يفدوك=هذاك أو ذاك واللي سكة الأجداد عاقبها
أبن هذال نسل المجد لو حيت الفهود أطروك=مجالك عطر في ذكراك وأمثالك نصاحبها
معك نربط علاقاتي وهاتف مكتبي مشبوك=تلافون العلوم الطيبه من بعد يجذبها
يجيب ألنا علوم أصحاب سرعه في جهاز أسلوك=صداقه مع هل المعروف موسى ما يخون أبها
نريد أخباركم ون جيت زائر ربعتي حيوك=نسوق العود وزيارة صبي المدح نكسبها
شهير الصيت بين أسهيل لاجاه النبط عاضوك=مدير الشعر بين الجدي في فرعي كواكبها
عمت عين النحوت أبجاه ربي لا رماك أخطوك=حواسد يا عسى الحساد رب العرش يذهبها
تموت اوحرها فيها وتسلم والعظيم انجوك=عيون السو بكره جعل تدفن في ترايبها
وتبقا يا نظيري عشت موحيت الملأ سبوك=حماك الله بحفظ أحماه عن حذفت مصايبها
يا معطي للضعائف مد تنفق من خزين البوك=سلالة من شيوخ أعزاز وانته من مجاذبها
ولد نادر قبيله طير فائز بالشعر هنوك=وأنا أسجل خطاب التهنئه في ولد طيبها
تجيلك يافتى مني بريدي شالها ودوك=حملها شالها مندوب مرسالي وراح ابها
على موتر وزاره جاك مابه سنتراً مفكوك=جديداً والتهاني من أبان الدار جاك ابها
عطا خطي يمينك وأنت تكرم كل ضيفاً جوك=جواب اللي من ابانات عنوانه يذيع ابها
يقوله شاعراً من عبس راع الناصفه نادوك=رموزه من عقيد ارجال والصعبه يسدبها
مقر أهل القيم من جيل فارس ساس أهل وابنوك=شرائح جيل أبن شداد حماية ركايبها
وحنا منه والبراك من عنتر ماهو بضحوك=يصد أخصام بالغارات وسيوفه يخضبها
حماء نوقه رعت مرباع عشباً مشتبك مشروك=لها البراك فارس مهرته للموت يجلبها
زمان الكون يوم القوم غفله جابها صعلوك=غزتنا والعوادي فوج ماشافت حبايبها
معارك في خناق أمحيوه لاكان ما نبوك=كسر صالح خيول السابقه بسهوم صايبها
بفعله مثل أبو ضائد ولد حمد وإبن داموك=هزم بيرق سرايا دون خشم أبان ناكبها
بوسط القاع جضع الروس صرعاء منك ماهموك=صراعن يذهل العقيل صيحاته يشيبها
قبل حكم الذي بابه بشرع الله ماهو مصكوك=حكم نجد استعاد الملُك في شوال جايبها
دخلها بالرياض اوطاح ضده باللقاء مدهوك=ضرب ضده بشلفاء داخله بعداه معطبها
نهار الفتح بالدوله عدو إيمانها ممسوك=ولاه الصقر أبو تركي بطل صفاء مشاربها
لزمها في يده ويدين طامع دونها مفروك=مثيرين الشغب في غارة التحرير غيبها
وحنا في رخاء ندعيلك اللي عاصمك واهدوك=بجنة خلد نزل أبلال مذن في صحايبها
مقامك بالسعد مشهود يومن الوطن ينخوك=أتيتو بالجزيره وانت ليمتو شعايبها
موحد مملكه مسقاط راسك واخوتك وابوك=هجدها سبع ساري باخر أتلا ليل طيبها
هداها وامرحت مسرور شعبك ناصرك طاعوك=رجال أجمال عون أبطال نطاحة نوايبها
رفع راية لواء الإسلام قاضي عدل ما يخفوك=وزال الشر في مغزاه حين الدار حل أبها
طرد منها العداء بجهاد رد العاصمه لملوك=وصارت في أمان الناس نامت في جوانبها
جمع شمل الوطن والشعب والمشرك وقع مسحوك=وشع النور في بقع الرسول الشعب عاش ابها
نزلها وأصبحت في خير منهج فيصلي مسلوك=مع التقوى وملة سيد الأبشار موهبها
ملك مؤمن وفي الكيل كل أشعوبكم حبوك=عرف بالحسن والأخلاص بالمشرق ومغربها
ملك أبو الشيم للشعب شعبك واسرتك سموك=عزم كل القبايل شيخها أمعزي معزبها
جلاله جاد عشاهم بقصر المصمك المفكوك=سمان الحيل والقعدان لشعوبه مشببها
ملك من شجرة آل سعود جوّاد أطعمك وغنوك=وصلت الرحم والخطّار دسمتو شواربها
رضت فيك الحجاز اونجد واشروره واهل تبوك=وصلت خمسها وياه حل الله نشايبها
مشايخها عطت ميثاق كل اشيوخها والوك=مناطق بايعوه اشيوخ ميته وقادبها
سعودي نعم أخو نوره ولد بيت أعربي قروك=على الخلق الحميده درس الأجيال وادبها
وصب الهم شكالة بن قهواهم وهو قهووك=بكل أنحا البلاد لامر حيتبه مناصبها
ترحب في ولي الأمر أهل المنطقه وافوك=عموم الشعب حب أمام قدوه من أقاربها
كريم الوجه طلق أحجاج وصف الحاتمي حلوك=شهامه والعداله بعدكم بالدار نايبها
تعاقبها ملوك أبناك كلاً مثلوك أحيوك=أفاضل بالبلاد أبناك نابة عقب غايبها
ملك وسمك معه في كل صفحه بالوطن ضافوك=قيادي بالوطن والناس يصلح في طلايبها
مثل عدلك بكل أسلوب عادل بالنظام أرضوك=عيالك تنصر المظلوم لاجاها ولاذبها
معلمهم بقطع الحق من كتب النبي أفتوك=وسدو بالوداعه عنك وانت الأبو جاذبها
ملك أسعود والفيصل وخالد والفهد ماشوك=كذا الدنيا تزعلنا وتورينا عجايبها
عيالك بالمحارم نفع في وسع الحرم كفوك=بربع المال للبيتين توسعةٍ نشيدابها
بمكه سبلكم مازال جاري واسرتك زادوك=بطيباء بالمدينه لك خلافة أبن ثايبها
حرسها في أمان الله وقسم حلف ماغروك=جموع أمخالفين الدين عن مدنك يحاربها
فداء دون العقيده معه شعبه يدعمه سروك=نقاوم زمرة الطاغين دون العرض نضربها
برؤية وارث الأمجاد حاكم نتبعه نابوك=عيون القوم يملاها والأخرى العين يكربها
وهاذي جابتي عبرت وصدر حكمكم وأصكوك=على دعواي واحكامك نزيهه في تجاربها
زميلك يا بحر شاطئ غميق الناس ما خضوك=تخوفها بحر وأمواج صفقاتك تهيبها
وأنا جيتك ومعي الوصل عابر مع بحر بفلوك=على رحله عسى يابحر ما تغرق مراكبها
وأختمها بذكر اللي معه نفس البشر مملوك=عليم الغيب والساعه على علمه يحيط أبها






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 05:53 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد