العودة   منتدى الشاعر موسى بن سرور > ๑۞๑ المـنـتـديـات الـخـاصـة بـالشاعر ๑۞๑ > ¨™ قصائد الشاعر موسى بن سرور ™¨

إضافة رد
 
أدوات الموضوع انواع عرض الموضوع
قديم 11-25-2009, 05:21 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 25- قصيدة الخوه ومهــداه إلـى الشيخ المكرم الخوي العزيز مفلح بن عزيز طلاق المظيبري


الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة


قلتها في شيخ شامخ من خطيطي=بالفتى اللي فيه شارات الرجاله
جبتها من لول ضابطها ضبيطي=في رموز المجد ضامنها كفاله
مثل رسام العواصم بالخريطي=هندسي أبحاث ما حوله جهاله
في صبي المدح سجل يا شريطي=حيث موسى بالخوي البدع قاله
شاعرٍ سباح بالبحر الغويطي=يكتشف حص البحر بطراف جاله
ناجحٍ في درس لا يمكن بسيطي=والشهاده غير ناجح متهياله
دونها تدقيق بالشعر النبيطي=من رسم ما فاز صاقط عزتاله
والقشر بأخلاقي الليله عبيطي=موتري في حال ضغط الجور طاله
عقب أبو فالح ترى ماني نشيطي=الزميل اللي يعززني قباله
أمس أنا وياه بالعيشه خليطي=وان تقهوى لا عمسنا من دلاله
هيل وافضل بن والتمر اللقيطي=ذوق من فنجال بنه حي فاله
ينعش الظرمان ويحل الشطيطي=قهوته تنساق لملوك الجلاله
للزعيم العادل الرجل القليطي=خادم الاسلام ميزان العداله
حب قهوه جت من أبها من مشيطي=من يمن مشروب كيف أهل الشكاله
صبها واترك مدوخ بنغيطي=يالشريف اللي جميع الطيب ناله
يالذي في شق جيرانك تخيطي=كاسب النوماس رجال النفاله
صيت مثله نعم ما ذكره صقيطي=تعتزي به من فوارس واتعناله
بين ذاك أسهيل ماله من غليطي=الفخر في ساس جيله والأصاله


عدد من ( 34 ) بيت شعر عام 1423هـ
قصيدة الشيخ للشاعر / موسى بن سرور بزاع المظيبري قالهـا ومهــداه بالشيخ / مفلح بن عزيز بن طلاق بن حمدان بن بدوي المظيبري سلمه الله .



يا عليمٍ في خفا خلقه تحيطي=يجتلد موري سهج ليلى لحاله
ضايقٍ معطيه ناره من نفيطي=خاطري عقب الوفي الغيظ شاله
عقب أبو فالح ترى ماني نشيطي=الزميل اللي يعززني قباله
أمس أنا وياه بالعيشه خليطي=وان تقهوى لا عمسنا من دلاله
هيل وافضل بن والتمر اللقيطي=ذوق من فنجال بنه حي فاله
ينعش الظرمان ويحل الشطيطي=قهوته تنساق لملوك الجلاله
للزعيم العادل الرجل القليطي=خادم الاسلام ميزان العداله
حب قهوه جت من أبها من مشيطي=من يمن مشروب كيف أهل الشكاله
صبها واترك مدوخ بنغيطي=يالشريف اللي جميع الطيب ناله
يالذي في شق جيرانك تخيطي=كاسب النوماس رجال النفاله
صيت مثله نعم ما ذكره صقيطي=تعتزي به من فوارس واتعناله
بين ذاك أسهيل ماله من غليطي=الفخر في ساس جيله والأصاله
ناطح القالات ماهو خيط بيطي=الثقل والكائد الصعب ارتكاله
والبليهي ثار لو حمله شطيطي=يدرك المعروف مفلح والجماله
مثل شرواء اللي قبل جوده حطيطي=يضرب الأمثال في حضرة مجاله
حاتم اللي مد لضيوفه صميطي=يوم عصره من وطاه الجوع جاله
له صخاء ذكراه بالقلب الفقيطي=وانت رجل العطف ما يبخل بماله
ريف مفلح جار يفداه الخبيطي=طال عمره متع الله في حواله
قلتها في شيخ شامخ من خطيطي=بالفتى اللي فيه شارات الرجاله
جبتها من لول ضابطها ضبيطي=في رموز المجد ضامنها كفاله
مثل رسام العواصم بالخريطي=هندسي أبحاث ما حوله جهاله
في صبي المدح سجل يا شريطي=حيث موسى بالخوي البدع قاله
شاعرٍ سباح بالبحر الغويطي=يكتشف حص البحر بطراف جاله
ناجحٍ في درس لا يمكن بسيطي=والشهاده غير ناجح متهياله
دونها تدقيق بالشعر النبيطي=من رسم ما فاز صاقط عزتاله
والقشر بأخلاقي الليله عبيطي=موتري في حال ضغط الجور طاله
مور صقر الخط في عزمه نشيطي=عالي التصنيع كافلته وكاله
يعجبك لا دست كم كيلو صفيطي=خلف ويل اللي يشوقك باشتغاله
سائقه يقداه بالسيد الوسيطي=من جنوب الدار يقداه الشماله
ساريٍ يازين وصته والشعيطي=مع طريق القار يجري مع سهاله
إن وصفته قلت للسوبر غاليطي=يطوي البيداء الطويله بجتواله
يلحق المقفي يصير أهو القليطي=فات طائر من قطاء مسرع جفاله
دق فيه اللي ضروبه ما تخطي=حر شيهاناً يباء يلعف عياله
ختمها صلوا عدد موج المحيطي=للرسول اللي حمل خير الرساله






رد مع اقتباس
قديم 02-12-2010, 02:52 PM   رقم المشاركة : 2
عضو جديد
مميز





فالح المظيبري غير متواجد حالياً


افتراضي

شـكــ وبارك الله فيك ـــرا لك ... لك مني أجمل تحية .







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 05:18 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد