العودة   منتدى الشاعر موسى بن سرور > ๑۞๑ المـنـتـديـات الـخـاصـة بـالشاعر ๑۞๑ > ¨™ قصائد الشاعر موسى بن سرور ™¨

إضافة رد
 
أدوات الموضوع انواع عرض الموضوع
قديم 11-25-2009, 04:03 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 20- قصيدة للشاعر سائر بن سرور مهداه إلى سعـادة العقيد البحري خالـد بن دخيل الحربي

نقرتين لعرض الصورة في صفحة مستقلة



المدخل الرئيسي لمبنى قيادة القوات البحرية الملكية السعودية
نقرتين لعرض الصورة في صفحة مستقلة

عدة سفن من القوات البحرية الملكية السعودية في مياه الخليج العربي
نقرتين لعرض الصورة في صفحة مستقلة

الملك عبد العزيز ( رحمة الله عليه )
نقرتين لعرض الصورة في صفحة مستقلة
أشيوخ نجد عيال زيزوم الأعراب=فهد وعبدالله وسلطان تدرون
قادة علم له منزلة حب ترحاب=بين الدول ما فيه مثله يحطون
من الجبيل اليا وراء راس مشعاب=بحريةٍ شامخ علمها تشوفون
بقيادة اللي للوطن سيف بنصاب=اللي على حكم الشريعة يعدلون
نهج النبي ماله عنه درب مجناب=قائد سفينه مع هداء الرسل يدعون
كلاً اليا ضده فهد بالخطا تاب=لاقام أبو متعب عدانا يتوبون
في قوته يكسر طمع عوج الأرقاب=درع البلد من كل غازي يفكون
والنائب الثاني اليا قاد الأسراب=ذخر البلاد أبساعة الضيق يقفون

خادم الحرمين الشريفين الملك فهد ( رحمه الله )
نقرتين لعرض الصورة في صفحة مستقلة

خادم الحرمين الشريفين الملك عبدالله بن عبد العزيز
نقرتين لعرض الصورة في صفحة مستقلة

صاحب السمو الملكي الأمير سلطان بن عبدالعزيز
نقرتين لعرض الصورة في صفحة مستقلة

الشاعر الشيخ موسى بن سرور بن بزاع بن بدوي المظيبري ( مخرج ومعد هذه القصيدة عن أخيه )
نقرتين لعرض الصورة في صفحة مستقلة
الشاعر ساير بن سرور المظيبري
نقرتين لعرض الصورة في صفحة مستقلة
رائد قياده من لواء تحسب احساب=قوات وأنتم من خدمها تعزون
من صوب حكامك قبل فيك الإعجاب=وافي خصائل بالأمانه يحفظون
يا الضابط اللي بالشرف والفخر طاب=واعي على شاطي خليجه يحرسون
افراد وحدات اللواء كلها أصحاب=اخوه ولا فيهم رديين واعفون
من طيب طيب يقترح حل الانشاب=طيب حسب قول الوداعه يعملون
الله يجنب حضرته شر الأسباب=ابن المديح اللي على المجد يمشون
دايم يدرب عسكر اصفوف ما غاب=على خطط ضرب الحرايب يعرفون
نمشي معه نجري ولا عاش من غاب=يرسي اليا جتنا براقي تلافون
من عند قائدنا ولد شيخ الأعراب=فهد عن حياض الجزيره يذودون
خالد بقواته بسرع الطلب جاب=عاجل بطل باسل على الموت يردون
يذود عن دينه وديره عن اتراب=بقع الوحي عنها بدمه يفادون
يقوم بالواجب ولد ذيب ماهاب=قدامنا صاحب شجاعة يقودون
لامن كلٍ فيه خمن الملأ خاب=مثل العقاب الصيرمي ما يخافون
من رؤوس حرب الياقبس حرب حراب=أهل الذمم مافيهم اللي يذلون
تاريخها أبيض في سجلات وكتاب=عهد الولاء معهم عن النقص مضمون
ترثت عرب ماهي سواليف الأكذاب=على حسن ظن المعزب يقومون
سر الحكومه ما هرج فيه بغياب=في وسط جوفه يالشغاميم مكنون
عز اخويانا كلهم عنده أحباب=لامر طابور العساكر يحيون
حنا الجنود اللي نطيعه بالأصعاب=بأوامر الحاكم ترى العمر مرهون







التاريخ :13/11/1421هـ
قصيدة شعريه ومهداه إلى سعـادة العقيد البحري خالـد بن دخيل الحربي قيلت القصيدة به وهو برتبة رائد والآن هو عقيد وفقه الله قالها المتقاعد البحري الشاعر سائر بن سرور بزاع المظيبري حيث قال : من عدد (44) بيت شعر :



يا مرحبا من جد وألفين ترحاب=والزود يقفاها تراحيب مليون
عد المطر وبله نزل سيل نهاب=بالقائد اللي مع زعامه يطيعون
من صوب حكامه قبل فيه الإعجاب=وافي خصائل بالأمانه يحفظون
رائد قياده من لواء تحسب احساب=قوات وأنتم من خدمها تعزون
ترمي عداء عن دارها رمي الإعطاب=تقصف مدافعها على اللي يعيلون
تحمي مناطق لنطلق سهمها صاب=تفجع جميع القوم منها يطيحون
بقيادة اللي للوطن سيف بنصاب=اللي على حكم الشريعه يعدلون
سير النبي ماله عنه درب مجناب=قائد سفينه مع هدا الرسل يدعون
كلٍ اليا ضده فهد بالخطأ تاب=لا قام أبو متعب عدانا يتوبون
والنائب الثاني اليا قاد الأسراب=درع الوطن من كل غازي يفكون
من الجبيل اليا وراء راس مشعاب=بحريةٍ شامخ علمها تشوفون
بسطولها تكسر طمع عوج الأرقاب=اليا نوى طامع وطنا تغيرون
مع راي ابو فيصل نجح وقت الاصعاب=فهد وعبدالله وسلطان تدرون
اشيوخ نجد اللي ذراء الجار واقراب=ذخر البلد في ساعة الضيق يقفون
اهل العلم معروف مع كل الأجناب=بين الدول مافيه مثله يحطون
يا الضابط اللي بالشرف والفخر طاب=واعي على شاطي خليجه يحرسون
افراد وحدات اللواء كلها أصحاب=اخوه ولا فيهم رديين واعفون
من طيب طيب يقترح حل الانشاب=طيب حسب قول الوداعه يعملون
الله يجنب حضرته شر الأسباب=ابن المديح اللي على المجد يمشون
دايم يدرب عسكر اصفوف ما غاب=على خطط ضرب الحرايب يعرفون
نمشي معه نجري ولا عاش من غاب=يرسي اليا جتنا براقي تلافون
من عند قائدنا ولد شيخ الأعراب=فهد عن حياض الجزيره يذودون
خالد بقواته بسرع الطلب جاب=عاجل بطل باسل على الموت يردون
يذود عن دينه وديره عن اتراب=بقع الوحي عنها بدمه يفادون
يقوم بالواجب ولد ذيب ماهاب=قدامنا صاحب شجاعة يقودون
لامن كلٍ فيه خمن الملأ خاب=مثل العقاب الصيرمي ما يخافون
من رؤوس حرب الياقبس حرب حراب=أهل الذمم مافيهم اللي يذلون
تاريخها أبيض في سجلات وكتاب=عهد الولاء معهم عن النقص مضمون
ترثت عرب ماهي سواليف الأكذاب=على حسن ظن المعزب يقومون
سر الحكومه ما هرج فيه بغياب=في وسط جوفه يالشغاميم مكنون
عز اخويانا كلهم عنده أحباب=لامر طابور العساكر يحيون
حنا الجنود اللي نطيعه بالأصعاب=بأوامر الحاكم ترى العمر مرهون
يا الرائد اللي بالكرم يفتح الباب=يعطي اليا جاله من الناس مديون
رجل السخاء يشكر كريمين الأشناب=اللي على تصميم الأجداد يبنون
وجه السعد ضاري على النار شباب=وابوه قبله بالشكاله يشبون
رفع شرف نفسه على الجود كساب=يوم الردي عن منهج الجود يزرون
بيته اليا جتيه نعم ساس الأطناب=مدهل نشاما للمكرم يزورون
شيخاً بديوانه عطر عود الأطياب=كيف الضيوف اللي من ابعيد ياتون
مسك طبوع اهله تقاليد شياب=راع الشيم فيه المناعير يوحون
عندي خبر بعلوم أبو زيد واذياب=وايضاء خبر بنجور ناساً يدنون
واقبل تحيه طيبه واقبل اخطاب=قصيدةً فني لحنها على نون
واختمامها صلوا على سيد الأصحاب=عد الحجيج اللي بمكه يطوفون
على نبيٍ جاهد الكفر واحزاب=رسول من شكك بما قال ملعون
الصادق اللي لأمة الخير ثواب=عليه كل أعباد ربي يصلون






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 02:57 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد