إضافة رد
 
أدوات الموضوع انواع عرض الموضوع
قديم 11-25-2009, 09:35 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 34- قصيدة في عودة نائب أمير دولة الكويت ( رحمه الله ) من الخارج

نقرتين لعرض الصورة في صفحة مستقلة
نقرتين لعرض الصورة في صفحة مستقلة




أمير دولة الكويت سمو الشيخ جابر الأحمد آل صباح رحمة الله عليه
نقرتين لعرض الصورة في صفحة مستقلة


سمو الشيخ سعد العبد الله السالم آل صباح رحمة الله عليه
نقرتين لعرض الصورة في صفحة مستقلة

الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة

من عدد (48) بيت شعر التاريخ :2/6/1418هـ
لقد قيلت هذي الشعريه الوطنيه في عهد المرحوم أمير دولة الكويت سمو الشيخ جابر الأحمد آل صباح رحمة الله عليه الواسعه . وكانت القصيدة تشمل عودة نائب الأمير من الخارج سمو الشيخ سعد العبد الله السالم آل صباح رحمة الله عليه والواسعه وبعد قال هذي القصيدة الشاعر موسى بن سرور بزاع المظيبري الرشيدي .



الله يحفظك يالكويت الحبيبه=في حضن جابر عن مقادير الأشرار
عشتي بعهد أهل الوجيه العجيبه=آل الصباح أو عين الأحساد بالنار
جعل الحسد بجروحها مستصيبه=طول الزمن بكبودها جرح الأضرار
تمسي وتصبح في شططها عطيبه=أو تبقين يا كويت الكرم عز خطار
يا جوهرة بوصاف جمله غريبه=بنتاً تحط أبها العششيق الأشعار
واخذ لها المعنى الثمين اشتريبه=شاربت نقد الحونها باغلا الأسعار
شري الذهب من سوق غالي جليبه=اللي يربح عملته بنك تجار
واهديتها من صدر مبصوط جيبه=عنوانها معطي من الجود دينار
يشدي صخا حاتم لضيفه حبيبه=اولسلام مداته ملايين دولار
قلت المثل والقاف قمت أبتديبه=باهل الشهامه يوم أنا جيت مسيار
لديره اللي جنب داري قريبه=وصلتها في مبتدا عيد الأفطار
من شافها ما في ضميره يجيبه=لشاف نهضتها يدرون الأفكار
تلعب لأخو مريم بشقراء ذويبه=للشيخ منضر خدها وصف جمار
ثبت وقارتها بحسن الذهيبه=نالة من الجابر شرف درع وأشعار
فيها الثقافه والسلوم الأديبه=قائد لها اللي نية الخير دوار
أميرها اللي شامخ الصيت طيبه=بين أريسا تحدثت عنه الأخبار
سور الوطن معروف مشهور ذيبه=رائد علم بنحا الدول والأمم سار
حاكم بلاد أم الشيم تعتزيبه=تدحر عزومه دونها الدم نثار
الدار عن بطش الخطأ تلتويبه=زحزيح أسد أبموقف الحرج صبار
شجاع يطاء الكود ما فيه ريبه=أمير يعرف حضرته كل الأقطار
من حاربه يزتاد بالراس شيبه=لابد يهزم من خطط واف الأذكار
بالرأي ينجح من سموه خطيبه=حلال قالاتاً بها اتحير الأبصار
حامي وطن عن كل حمله رهيبه=حارس شمال أحدودها جيش مغوار
قائد لواء دون ارضها ينفديبه=من مات بجهاده دخل باب الأبرار
زعيم للشعب المكرم رضيبه=وأبو فهد نائب ضبط حفظ الأسرار
ولي عهده للأمور الصعيبه=عضيد جابر به سعد طيب الأشوار
ممدوح والرأي المظفر يصيبه=يزمي على الواجب كما موج الأبحار
مع قول جابر لأزمه ينمشيبه=فيك الوفاء وأمن أوثقه يابن الأخيار
يقوم في عون الأمير أو ينيبه=محشوم مع كل أزعما وله مقدار
رجله مشت خطوات ماهي قريبه=عينه على راحة رخا الشعب سهار
كريم يمنا صاحب أريا الصليبه=كم شيخ يستقبل وصوله اليازار
رحب وهلا في قدومه رحيبه=علاقته مع كل قياد مختار
والحمد لله عقب ذيك المغيبه=سلامتك ظلت على اكويت الأ نوار
فرحت يوم انجال شر المصيبه=من حين من لندن نحر ديرته طار
ناديت قلنا يا الكويت ابشريبه=جاء وابشريبه مع سماء الجو عبار
شيخاً شلع حيث انتها من طبيبه=وقع تقل نادر على رجم الأوكار
وسط الكويت ابرحلته فاح طيبه=عود النشاما عطرها بن وابهار
تباشرت فيه الشيوخ العريبه=كبيرهم جابر وشياب وصغار
والجيش وأمنه والحرس والكتيبه=مشاعر الفرحة عجب كل طيار
في عودتك والضر باري لهيبه=عيداً علينا عودة الشيخ للدار
أبو فهد ياهل القلوب اللبيبه=محبوب جعله من طويلين الأعمار
يا الله عسى موح الدعاء يستجيبه=يدوم عمر اللي على الشعب مدرار
حلو الشراب اللي بطاحي قليبه=ماها تقل يغرف من أمزون الأمطار
وأبو مبارك ريف شعبه يثيبه=يسلم ذخر جابر كما والوالد البار
عطفه طعم خلط اللبن مع حليبه=قرطوع من درة مغاتير الأبكار
شعبه قبل برعايته يعتنيبه=عاش الأمير اللي ولد بيت الأحرار
حط القواعد كالشروق القضيبه=دفاع جويه ودارات الانذار
مهبول يا ناوي بلدنا كسيبه=دونه حكومه خرجت كل صقار


لقد تلقى الشاعر منهم الشكر والتقدير وغير ذلك رحمهم الله






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 08:17 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد