إضافة رد
 
أدوات الموضوع انواع عرض الموضوع
قديم 11-25-2009, 06:11 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 28- قصيدة الشاعر / موسى بن سرور قالها وهــو في وادي الدواسر


الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة

بالوادي اللي سيل برق الرعاده=الله يغيثه بالسحاب المزابير
ديرة بني زايد بشلف الحداده=تحمي ركايبها بواسل مصاطير
أوحنا فوارسنا نهار الطراده=ترد الخطر تسقي ظعنها على البير
خيالنا ما فيه خوف أو شراده=سوابق افعاله كما سالم الزير
كم غازياً في زرقت الرمح صاده=من دون واجب يركب الخيل ويغير
في ساعتاً خطو الردي في رقاده=نطاح قومه بالسيوف الشواطير
شيخاً يفضل عن نياقه جهاده=رعت قفر نوقه ربيع النواوير
فارس لها حارس سبوقه جواده=حماء بها البراك ذود المضاهير
راع البويضاء أبن الضفر من جداده=خيال قطعان البكار المعاشير
كم طامعاً عن كسب الأرباح كاده=عليه من سطوات أبو زيد واعمير
مجاذبه من يعطي الضيف زاده=من ساس شجعاناً تفك المغاتير
جود اصخاء طبعه نضام اعتقاده=ديوان بيته قهوته صبح واعصير
على حطب من رمث ولع زناده=قهوة كرم والها أخضر الهيل تبهير
من مال طلق احجاج واجد نفاده=ينفق حلاله ياصل الرحم والغير
هذا صحيح القول صدق الأفاده=واعطيك وقدم للأعزاز تقرير
سلام موسى من مخزينة فواده=من بال لربوعي محبه وتقدير
من شاعراً يحمل رفيع الشهاده=شهادته ما في قلمها تزاوير
بيضاء وثيقه من ملك شعب قاده=قائد علم دوله وعسكر طوابير
فيها شكر رائد زعامة بلاده=سيدي الياصوت لنا جيت تحضير





عام : 1424 هـ
قصيدة الشاعر / موسى بن سرور بن بزاع المظيبري قالها في ربوعه وهو في وادي الدواسر وكانت القصيدة تشمل شيخ الشمل الفارس ابن براك لحيث الشاعر قال مايلي : من عدد (48) بيت شعر .



يا الله عسى ماهي لموسى قراده=مليان جوفي من هواجس تفاكير
النوم عفته في فراش الوساده=ضائق وعبر ضيقت الصدر تعبير
توقفت عني رجال السعاده=وابطيت عن شوف الوجيه المسافير
ربعي هل الطولات والمجد عاده=صار الرياض الهم حواجز وتدقير
سوقه مسكهو مثل حجز القياده=واسير وحدي يا عسى الخاتمة خير
من دونهم لو قلت أبسرع زياده=بعداً زماء يكلف جديد المواطير
يتعب ونيتي من وكالة بلاده=يحتر في قيضاً لهب يطرح الطير
دون الجماعه كم صحاري حماده=من دون ربعي مكرمين الخطاطير
خطن مع البيداء طويل امتداده=والدرب قدامي عجاج أو معاصير
مع خفقت المرزم تغيب براده=سموم تصلى من توين المشاوير
بالوادي اللي سيل برق الرعاده=الله يغيثه بالسحاب المزابير
يسقيه والحاسد بعينه سواده=عقب عماء عينه عساه أبزمهرير
ديرة بني زايد بشلف الحداده=تحمي ركايبها بواسل مصاطير
أوحنا فوارسنا نهار الطراده=ترد الخطر تسقي ظعنها على البير
خيالنا ما فيه خوف أو شراده=سوابق افعاله كما سالم الزير
كم غازياً في زرقت الرمح صاده=من دون واجب يركب الخيل ويغير
في ساعتاً خطو الردي في رقاده=نطاح قومه بالسيوف الشواطير
شيخاً يفضل عن نياقه جهاده=رعت قفر نوقه ربيع النواوير
فارس لها حارس سبوقه جواده=حماء بها البراك ذود المضاهير
راع البويضاء أبن الضفر من جداده=خيال قطعان البكار المعاشير
كم طامعاً عن كسب الأرباح كاده=عليه من سطوات أبو زيد واعمير
أو عزاه يالموتر تلقاء هجاده=مع سكة الساري وانا ضابط السير
مني شكاء كدرت وقفت اقعاده=مكينته تشكي من الظيم والقير
جاه السفر من سائقه واعتماده=سهج بليله بالدجاء حوطة السدير
فوقه رقاء شد الدريول شداده=رحلة سفر صوب العزاز المشاهير
مفلح ابو فالح وسالم عياده=وزويد اوجامع زبون المخاسير
شوق الهنوف اللي زهتها القلاده=عشيرها ولد شيوخ المناعير
مجاذبه من يعطي الضيف زاده=من ساس شجعاناً تفك المغاتير
كم خفرتاً تعشق مديح الولاده=جامع تمناه البنات الغنادير
واللاش عافنه سماده رماده=يابن دقاق انجر للمسايير
جود اصخاء طبعه نضام اعتقاده=مفتوح بيته قهوته صبح واعصير
على حطب رمثه يولع زناده=بريةً والها أخضر الهيل تبهير
من مال ابو سته كثيراً نفاده=ينفق حلاله ياصل الرحم والغير
والقرم إلي في حضرته شف راده=جامع صديقي بالليال المعاسير
ينشاف طيبه نعم ملقاء سداده=احفظ شبابه يا ولي المقادير
عشنا انا وياه علماً و كاده=كم من سنه ما جاء خويه تقاصير
نمشي سواء في وقت فيه استفاده=أنا وهو فرصه جمعنا دنانير
زمان يوم الزرع طيب حصاده=واليوم بالدنياء علينا تغايير
هذا صحيح الهرج صدق الأفاده=واعطيت وقدم للاصحاب تقرير
سلام موسى من مخزينة فواده=من بال لربوعي محبه وتقدير
من شاعراً يحمل رفيع الشهاده=شهادته ما في قلمها تزاوير
بيضاء وثيقه من ملك شعب قاده=قائد علم دوله وعسكر طوابير
فيها شكر رائد زعامة بلاده=سيدي الياصوت لنا جيت تحضير
وانا هدف قصدي وغاية مراده=أعجاب جامع مع جموع الجماهير
ذاك النداوي يا تلافون ناده=عطه خبر رئيس صحافه وتحرير
بالمحترم شعري سعاء بجتهاده=ووضح المعنا على الناس تفسير
واختامها مسك او روايح زباده=تحيةً ترضي الزملاي الشواعير
ذكر الذي عايش برزقه عباده=صلوا على اللي نور الدين تنوير






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 04:08 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد