إضافة رد
 
أدوات الموضوع انواع عرض الموضوع
قديم 11-25-2009, 05:27 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي 26- قصيدة مهداه إلى الشيخ / عجلان بن ناصر العفنان الشمري


الشاعر الشيخ موسى بن سرور بن بزاع بن بدوي المظيبري
نقرتين لعرض الصورة في صفحة مستقلة

من عدد (29) بيت شعر التاريخ : 11/6/1419هـ
هذه القصيدة مهداه إلى الشيخ / عجلان بن ناصر العفنان الشمري مع أطيب التحيه والشكر والتقدير من الشاعر / موسى بن سرور المظيبري الرشيدي



عاش أبو ضبعان يعجب بنطلاقه=مثل حراً من نوادر مطلقينه
لازهمته شفت عزه من خلاقه=من شوامخ روؤس شمر جاذبينه
رمز من شجعان طيب يا رفاقه=ناصر أبو المجد شيخ أمعقبينه
اشكره بجهود وقفت عظم ساقه=شكر بالفزعات هو ومرافقينه
من نسى المعروف جاحد من شقاقه=والحقيقه بالمقام أمقدرينه
من قبلنا ما ذخر حماي ساقه=يا ولي العرش أرحم والدينه
واختياري ما يجوز الفكر لاقه=في صبي المدح باسمه كاتبينه
من بيوت الشعر طاقه فوق طاقه=بالاديب الشعر مني ظابطينه
صوب ذيب اهديه ماجبته سراقه=في شغاميم الفهود أمصممينه
أخذ أنقى بالجليله عن دقاقه=بالقلم وأفضل جوابي مرسلينه
مع سلام الفين وزيده الحاقه=عد من صلى بمكه والمدينه
ياصل العجلان جعل الخط شاقه=حين يقراء خط موسى مهتجينه
محترم من جاه كيف البن ذاقه=مكرم الخطار ذباح السمينه
من قديم العطف يوم الزاد فاقه=لضيوف أيحط ما تملك يمينه
حب درب الجود مع حاتم عشاقه=الشهير اللي بحائل عارفينه
منقذ الهلكان من جوع الخناقه=تذكر الأجيال ناره في بطينه
قلت جزل النظم من بالي مساقه=في ولد نسل الشهامه ناشرينه
ريف جاره حلو شربت درناقه=بالرخاء جار العريب أمشيمينه
مانفض شره عليهم والحماقه=القصير أبكل خيره وأمنينه
مع مثل شرواه جددت العلاقه=وصفها يا رجال من عندي متينه
ماتغير حسب عقدي ودفاقه=طبع والد والجدود أمجودينه
لو تطول السنين وافي بالصداقه=الوفاء والطيب واجب محتمينه
والردي يازين بعده مع فراقه=كان بكره مات محداً فاقدينه
ما بكت لجله جماعه بحتراقه=كل واحد في فعوله ذاكرينه
والشريف الشيخ يابين افتراقه=عند نجم الجدي طيبه رافعينه
معلينا من فشل بالظن باقه=وتهامه بالرجاجيل الأمينه
والله اني عارفاً بالناس عاقه=والتواضع ماوجدته في جبينه
ما سلم حتى المسافر من نفاقه=والخطاء حتى الرقابه شايفينه
حاسبه رب السموات الطباقه=العظيم اللي عليه أموكلينه






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 03:25 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد