إضافة رد
 
أدوات الموضوع انواع عرض الموضوع
قديم 03-08-2016, 02:12 PM   رقم المشاركة : 1
مدير عام
مميز





موسى ابن سرور غير متواجد حالياً


افتراضي قصيدة رقم (17) في تنصيب مركز فياضه الشيخ سنيد بن مسند المظيبري

قصيدة الشاعر موسى بن سرور بن بزاع بن حمدان بن بدوي المظيبري قالها وكانت بمناسبة تنصيب سنيد في مركز فياضه وهي مهداه إلى الشيخ مسند بن سند بن مد الله ومهداه كذلك إلى ابنه الشيخ سنيد بن مسند رئيس المركز وفقهم الله. والقصيدة تقول وتعبر عن نفسها في ربوعها وقالت في شيخ شمل قبيلة بني رشيد العبسيه جواب من قوافيها حيث الشاعر قال ما يلي : التاريخ : 6/8/1429هـ

[IMG]نقرتين لعرض الصورة في صفحة مستقلة العاب[]


من أحكومه عموم الشعب منها في رغد خيرات=ترشح ثم تعرف كل مذهب صالح النيه
تنصب من وزير الداخليه يمنح الشرهات=عطايا من سمو أمير من شرواه فخريه
جوايز قيمه مع كل مخلص قلده نجمات=وظيفه من نصيب اسنيد من نائف مدنيه
وجدها واستلمها عقب سلم جوخة البدلات=بريهت عسكري أشعار دولتنا السعوديه
مكانت منصبه من قبل تشرح خاطره بهجات=ملف ابيض أمين العهد مع قاده ملكيه
اوقصيري من طرف شانه نصيته جيت بالحفلات=وهو يستاهل التقدير جاري كل يوميه
يجيه أخطاب ورسله مع أول سائق العجلات=علوم الطيبه يرجال تنقلها الصحافيه
وانا خطو الردي مبغاه وأقصر دونه الجيّات=ومسند مسندي ويجيه مندوبي أسبوعيه
عزيزاً في ضميري جار وابنه جاذبه عينات=يسوق المال كله لأجل قريته الوطنيه
وأنا ينفعني الطيب وزوره بسرع الساعات=واله عندي علاقة صدق واعلنها شفاويه
قصيده من مثايل جوف فيه أمن العطا جزلات=على رئيس رفيع اسنيد يزهاها نباطيه
تقبلها مزكيها عن الدقات والنمات=وخذها واعتبرها من دوافع قلب ويديه
على قرمن خدم سابق سعادة ظابط الوحدات= مدير الشرطه أمن العام من وحدات الأمنيه
شربت الكيف بدلاله وأريد أطول السهرات=إلى حتى طلوع الفجر وانجوم الصباحيه
_______________________________________________________________________
هلا يا مرحبا بحضور شوف أهل الوفاء فرحات=وأرحب ياهلا بالجمع هذا وأجمل أتحيه
نيابه عن معزب ضيف يكرم صبلي قهوات=شرب من قهوة الشغموم ناس أكبار شخصيه
بفنجاله سقاني هيل ذقته جائز اللذات=شكالة شاذليه حين جينا مدها ليه
عطانيها بعدها العود وأعرب محترم جابات=تحيابي انا وصحابه اللي جوه مدعيه
رجاجيلاً نوادر جيل مجنا من هل النخوات=ربوعي طيبين الفال باحساسي وفكريه
تبا مني قصائد حتم مثل أمخائل الغيمات=ترقب صاحب الحروات شايفهم نضاريه
توحالي تحراني عسى ما خيب الهقوات=أجيب ألكم قصص زيزوم تونس والهلاليه
عشية ليل يوم أذياب غانم يتكن الضربات=صراعه مع خليفه حرب بينه بالزناتيه
هدفكم وابشرو بالوضح والبيضاء لنا عادات=أعلق موقع الأشعار بفروع الفضائيه
يذيع ابها طليق أحجاج يصدر بالفضاء نشرات=تحت سطح القمر عنوان خيمة شعر شعبيه
بموقعنا المطل العالمي في عالي البنيات=محطة عالميه وأنضمه للبث دوليه
وضعها هندسي أعلام فني وجه الموجات=شبكها في تواصل ربط بقمار الصناعيه
يزاورها الملا واشعوب عالم ساكن القرات=تودي كل عاشق شعر في شرقي وغربيه
بريداً ما درج بالقاع ويله ما وطأ قريات=مروره مع خطوط الجو كتروني رساليه
تحرك وانطلق في زرف يسبق طائر الرحلات=عبر غادر مشى للرجل جاله بالخباريه
أخذ شال الرسائل مد لشيوخاً لها شهرات=بني عمي هذاك اوذاك مزبنت الجلاويه
تذري من دخل في جالها في ساعة الشدات=حليفاً لك سعد في عارتك في ثوب مكسيه
نلبسها عباة الستر واخوة محرم الخفرات=ظلالاً لسرتك عن حر صفقة شمس قيضيه
كذا ماضي أهلنا أعطيك نبذه ندرك الجملات=ومن يبذر حصد واجدود جابة عقب ذريه
لهم نظمي با فاضل فرس ربعي تحمي الساقات=هدايا قلتها بفهود راحة وسمها ليه
من الراوي مؤرخ عبس ديون عن هله طبعات=مؤرخ من عروبة نجد من عنتر وعبسيه
مواكر من كواكب مجد له بطيبه سمعات=تحدث بريساء أهل المجد بالصحف العربيه
نطق سرح بجمعن فيه ذع ذاع الهواء عطرات=تمثل في شبل مشهور في رتبه وزاريه
عقد معي اللقا فهمان واطلعته على الزينات=وشاف أمن السنع ما دل ويدني بجديه
محنك من رموز أخيار ترثت وافي الذمات=معرب من شريحة لابتي وافخوذ فرعيه
صبياً من نشاما نار زنده يقبس الشعلات=شعم ضو الشبب والناس جت له طوع وديه
على موعد حضت قومه تلبي واجب الدعوات=زحازيحاً رعت بنياقها نوار وسميه
مناعيراً بنايا بيتها في موسم الربعات=تدوس أركابها في عشب وادي قفر قدميه
أتت صوبه جموع أعزاز للي يحفظ العهدات=سلاله ينتمي من روؤس خيالة فروسيه
عشائر شجرة البراك لالوح على المهرات=يفك الذود أبن براك برماحه قتاليه
مظاهيره حماها يوم عصره صلح الخلفات=بسيح الروض مفلا فطره بفياض بريه
كفل زمله بحد أرهاف عن قوماً تجي غزوات=بمركاضه تطيح القوم من شلفا يداويه
يخوض المعركه من دون ماله لا سمع صيحات=يرد المعتدي عن مال وابكاره جباريه
نداوي بالحماسه درع ربعه تتبعه نزلات=ظعونه من وراها فوج متبوعه ومقفيه
خلافه مع سرايا بطل يتلي بيرقه حولات=يوديها ربيع الأبل تشبع بالضحيويه
نبات أزهر ثمر مسقيه رعاد المطر ناوات=تغنيبه طيوره وام سالم غب سيليه
وطابه في رعاته يوم خوف النهب والفجوات=يفادي عن حلاله في سيوف الهند الأصليه
على بنت الحصان السابق اللي تاخذ الفوزات=تسر الفارس اللي ينتخي تعطيه حريه
تهيبه كم فوارس بالمواجه يقهر الغارات=بقربه كم قصيراً عاش في راحه رفاهيه
بجنبه في نعيم الجار يرقد في حلا نومات=خشع في ليلته مادق في قلبه حساسيه
مريحاً بالثقه بيمان جاره سالم الضيقات=وفيين الخصائل عندهم ترتاح نفسيه
جوار ابن الشرف واسلاف مطني جائب الفلحات=تقاليد القيم باسلاف شيخ الشمل مبنيه
عيال الصيرمي من راس ناهس رحت له سفرات=أسلم ما قطعت الوصل بيني للرجاليه
أقدر ربعتي واقول فيها واهدي الكلمات=بذاك اللي لها مقدام فيه الطيب ورثيه
زعيماً بالتياريخ القديمه راعي الوقفات=فداه العفن والأنذال واخبول الهبوديه
عقيداً بالتصدي ذيب قاسم ينطح العيلات=يلاقي سرب خيلاً تقل حصن أخيول تركيه
مظفر فعله أبو الصيت يعرف ريس الفرقات=أميراً يحتضن منجاه عندي عنه خلفيه
يحيي من عناله كل خاطر حط له وجبات=زمان الجوع يوم الناس همتها المعوشيه
بوقت الدهر ريف أضيوف ينصا يذبح الدسمات=يهلي في ضيوف البيت بدياره شماليه
بديوان الذي مبناه ما سيس يبأ نصبات=رجاله مقصده لطروش لاجا برد شتويه
تمسابه شوامخ ناس تاتيله لها حاجات=مظيف القصر بابه فتح يشهدله حقيقيه
ينادي بالصخا والنـجر دنه هجرس العويات=قبل رنت تلافوناً تشيله كل نشميه
مجاله بالعطا هداج ينفق لضعفاء عطوات=وذاك ابن البخيل الشحيح جيته ما عطف ليه
قضب كنزه ولأزكاه ينمي حازمه ربطات=تلوث بالرباء في شركة البنك التجاريه
مشايخها باربا كل شيناً تاكله خلطات=وانا حدثت لين أزريت ثم أرسلت برقيه
لهم ترك الزكاه الذنب يمنع ما طر القطرات=والآخر قطع وصل الرحم واقع ذنب بالميه
تهيون بالصلاه أعمال تدي عاقبة حسرات=اوعدم حب التلاحم ظاهره يالناس سلبيه
تباغض والتفرق شي منكر وانشد الآيات=وكل المسلمين أخوان في كتب السماويه
فلا فارق من الخلاق دين أمحمد الطاعات=ومن يرتد عن ما قلت كبه والشكوكيه
مزاجه منحرف مغرور حلل ميت الحرجات=دياناته ثلاث أصناف يشرك بالعبوديه
واناديني فروض الخمس معهن ساجداً سجدات=مفاتيح الفرج بيبان ندخل بالجنانيه
تراء مدة حياة الرجل تقضي يطوي الصفحات=ولا ينفعك غير أعمال مقبوله حسانيه
بيوماً لا شفاعه غير رحمة قابل التوبات=نهار الفوز والغفران واحساب البشاريه
يقوله من بسط معناه شاعر يصرف العملات=يبيع اويشتري بجنيه بالسعودي وربيه
مورد يشتري في سوق دولي يربح الشريات=ذهب في مدن بالأسواق يوخذ وزن كميه
بضاعه ما تبور السلعه اللي ربحها ميات=تداولها بنوك الغرب وابنوك الخليجيه
كذلك جاري التعبير باقي ثم ألي نظرات=بحضرة رجل سلمي قهوته من نوع بريه
ولد خالي فليح الراي بيته مدهل الحشمات=بسالة خالي السلمان مسموعه ومقريه
عن أبان الحمر قد قام كونه بالعداء صفقات=ضربها بالعطب بعداه جاها رد فعليه
طرد وقفاء قوي الباس خائف وارهقه ذلات=يجل أبله رجع مذعور عاف أبان كليه
حداهم في رصاص الماص مكن بالخصم صابات=عناتيت العصاه البدو قطعة موت شريه
ردعهم خالي الممرور نفّذ واعتزاء عزوات=سهومه وقعت بالضد شطه جمرةً حيه
معه جيد عضيد أحزام يوجد للصحيح أثبات=أخوه اللي معه زياد شارك بالعمليه
خوالي ذكرهم مرفوع غالي منبع الشيمات=أراسلهم هل النوماس وارجال الشهاميه
وانا جدي وابوي الحاف جاره من هل الفزعات=اليا ناداء قصيره جاك بعزومه دفاعيه
حموه والمروه فيه وأيضا طيب الخوات=اليا صارت مشاكل حلها بسلوب عدليه
فصلها بالرضا بصلاح شيخاً كلمته حسنات=وهائب في قبيلة عنتري واطبوع جديه
عوايدنا صفاة أعمير راشد يضمن الجيرات=وبعض الناس بالجيران عملتها همجيه
تخلت عن شرفها وين هفت في عماء غدوات=يفلس حق قدر الجار ظنوات الدوينيه
وانا مرضا يصير الوضع غامض بالعرب رجعات=عن اسلوم الأدب ووصاة سالم ليه منسيه
تركها خارب القانون عنده مالها قيمات=وقال اللي نشدته قال فتوى الزير ملغيه
سرقها الثور عمد اللاش قطعها وراء الغابات=وراء جرة مغار أدهام مدفونه ومكميه
بركن المجزره من عند زبرة مجمع الأموات=سداد أكليب كم من ناس مطعونه ومرميه
سبائب خدع غدر الختل ثاراً عن مليكن مات=قتل وهو بنومه سهو من مجرم عصابيه
وانا عندي خبر يجواد باللي نفذ الحيلات=حملها من شراره لين ولعها بالاهليه
وانا ماني من اللي قيل ترمي بندقه فتنات=يوجها نميمة سو يرمي ربعته سيّه
يثورها عداوه سر والله شايفه شوفات=رقيباً بالعلاء يراه واعي فوق كرسيه
خرج منه الحيا مع خوف ربه غائباً غيبات=غشيش القلب جواء شين ملياناً لعانيه
شبع من لقمة الانعام واصبح مهنته بالذات =يسويله قضايا زور يرسمها خياليه
على بال الهبيل أخلال فتره يلحق المنوات=لمح قدمه سراب أمياه واملاكٍ سكنيه
غشيماً بالجهل يطاه يسقط في بحر غرقات=يطش اللي معه جمهور واتباعه بحفريه
تبعد وانتبه يغلام واحذر رفقة الفيات=تروح امع الهلك واتطيح مع عيطا جبليه
ينشد عنك ابيك العود وامك صابها روعات=شكاويها خطيره كبدها بالحزن ممليه
تناجي ربها المعبود تطلب لبنها عودات=وجيعه من صحيبك وانت ناسيها خلاويه
تجنب عنه عود جاي لا تخـاوي هل الشينات=توسوس في ضعيف الدين من جني وجنيه
تجلجل في خفيف العقل منهم صابته نكبات =فقد مخه غابينه صيب في حاله مراضيه
بداء فيه المضره نقص يقلق بأخطر الحالات=يعالج صحته دكتور دوله طب صحيه
نصحناهم نصيحة بر موسى مـع كثير أصوات=لاوادم ما تطيع الشور مقموره ومبليه
دعيناهم جعل ياتون واجلس بينهم جلسات=رجوعن للهداء والرشد ما بعده طلبيه
وانا رجلاً مثل ذولاك ما نعصم عن الزلات=ولاكن عودة المخطين من زله شجاعيه
وانا ما صاحب المسفوه ما جيله على الهمزات=عصيته من سواته حظ صار الفائده ليه
شرد عني وانا ابن أسرور فرقاه أحسن الفرصات=عجائب كيف يبغا جائزه قد سميت ليه
نواها يحسبن الوضع زعمه مدخله سهلات=واليا منك بخصته صارت أطيب منه حجيه
يغثك في حلاء دنياك ظالم وارجمه هبوات=بيات الله تصيب ابليس والحساد ناريه
تجاوزت الصعائب كلها عقبتها خطوات=على ركب المطايا سقتها مشوار طرقيه
قدومي يم راع الجود رجلي تاصله سجات=أسير للمديح القاه في سجه خصوصيه
لابن مسند وابوه أسهيل ما ينظر على الجارات=وقاه الله عن المنقود واعيوب الرخاميه
على حفل العزيز اسنيد نشعر وأبرك الحزات=أقدم في وجيه العز شعر أبيوت بدعيه
هديه من هلي وأبوي وصاني عشر مرات=دعاني بالتوجه فور وديته جوابيه
سلامي للجميع أوخص مسند كاسب الطولات=أباركله بمركز ديرته وأختوم رسميه
عُقب ذيك المتاعب تو ماجتله على الغايات=تحقق مطلبه واليوم فياضه حكوميه
عليها أخضر علم حكام في غربي وطأ أبانات=على جنب الطريق العام ياناصيه بالجيه
بتوفيق الولي واجهود شائب واصل الروحات=ذلوله تاصل الأمير فيصل كل شهريه
وجاب الها دوائر زود واعطي مركز أمارات=مشت بعناية ابو أسنيد كل أعوام حوليه
من أحكومه عموم الشعب منها في رغد خيرات=ترشح ثم تعرف كل مذهب صالح النيه
تنصب من وزير الداخليه يمنح الشرهات=عطايا من سمو أمير من شرواه فخريه
جوايز قيمه مع كل مخلص قلده نجمات=وظيفه من نصيب اسنيد من نائف مدنيه
وجدها واستلمها عقب سلم جوخة البدلات=بريهت عسكري أشعار دولتنا السعوديه
مكانت منصبه من قبل تشرح خاطره بهجات=ملف ابيض أمين العهد مع قاده ملكيه
اوقصيري من طرف شانه نصيته جيت بالحفلات=وهو يستاهل التقدير جاري كل يوميه
يجيه أخطاب ورسله مع أول سائق العجلات=علوم الطيبه يرجال تنقلها الصحافيه
وانا خطو الردي مبغاه وأقصر دونه الجيّات=ومسند مسندي ويجيه مندوبي أسبوعيه
عزيزاً في ضميري جار وابنه جاذبه عينات=يسوق المال كله لأجل قريته الوطنيه
وأنا ينفعني الطيب وزوره بسرع الساعات=واله عندي علاقة صدق واعلنها شفاويه
قصيده من مثايل جوف فيه أمن العطا جزلات=على رئيس رفيع اسنيد يزهاها نباطيه
تقبلها مزكيها عن الدقات والنمات=وخذها واعتبرها من دوافع قلب ويديه
على قرمن خدم سابق سعادة ظابط الوحدات= مدير الشرطه أمن العام من وحدات الأمنيه
شربت الكيف بدلاله وأريد أطول السهرات=إلى حتى طلوع الفجر وانجوم الصباحيه






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 05:29 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

ahmed ali, web design, تصميم منتدى, تصميم موقع, تكويد